الداعى ۋاقىتتا وبلىس اۋماعىنداعى 225 مىڭنان استام تۇرعىنى بار اۋىل-قالالاردا 10 مىڭ جاڭا كوشە شامى ورناتىلادى. بۇل تۋرالى وبلىس اكىمدىگى مەن ەۋروپا قايتا قۇرۋ جانە دامۋ بانكى اراسىنداعى كەلىسىمشارتقا قول قويۋ ءراسىمىندە ايتىلدى.
شاراعا وبلىس اكىمى دانيال احمەتوۆ پەن ەقدب-نىڭ ورتالىق ازيا ەلدەرىندەگى باسقارۋشى ديرەكتورى برۋنو بالۆانەرا قاتىستى. «وسى جۇمىستىڭ ناتيجەسىندە سىزدەر كەم دەگەندە 50, ايتپەسە 60 پايىز ەلەكتر قۋاتىن ۇنەمدەيتىن بولاسىزدار. شىعىس قازاقستانعا قاتىستى جوبا وزگە وڭىرلەرىمەن سالىستىرعاندا يننوۆاتسيالىق ەكەنىن دە ايتۋ كەرەك. 2017 جىلى قولعا الىنعان جوبا ەكى كەزەڭنەن تۇرادى, ونىڭ ءبىرىنشىسىندە وسكەمەن مەن سەمەي قالالارىنداعى كوشە شامدارى جاڭارتىلدى» دەيدى برۋنو بالۆانەرا.
جوبا بويىنشا ەقدب شىعىس قازاقستان ەلدى مەكەندەرىن زاماناۋي جارىقتاندىرۋ جۇيەلەرىمەن قامتۋعا شامامەن سەگىز ميلليون ەۋرو كولەمىندە قارجى بولمەك.
شىعىس قازاقستان وبلىسى