قىزىلوردا وبلىسىندا جەكەمەنشىك ارىپتەستىك جوبالارى جاقسى قارقىن الدى. بۇل رەتتە جاڭاقورعان اۋدانىن مىسالعا الۋعا بولادى. اۋدان كاسىپكەرلەرىمەن 40 جوبا ماقۇلدانسا ەندى ونىڭ ون التىسى بيىل پايدالانۋعا بەرىلەدى.
بيىل ءبيلىباي اۋىلىندا فەلدشەرلىك-اكۋشەرلىك بەكەتى ىسكە قوسىلسا, ەندى التى اۋىلدا وسىندا امبۋلاتوريالىق نىساندار سالىنادى ەكەن. مۇنىڭ ءبارى اۋدانداعى كاسىپكەرلەردىڭ كومەگىمەن جۇزەگە اسىرىلىپ جاتىر.
ال, ەلگە بەلگىلى كاسىپكەر تالعات ىسقاقوۆ جاڭارىق اۋىلىندا ءۇش ءجۇز ادامعا ارنالعان سپورت كەشەنىنىڭ قۇرىلىسىن باستادى. سونداي-اق, مەملەكەتتىك جەكەمەنشىك ارىپتەستىك جوباسى اياسىندا بيىل ون ەلدى مەكەندە ساۋىقتىرۋ ورتالىقتارىنىڭ شاڭىراعى كوتەرىلەدى ەكەن.
بۇل جوبا ەكى جاققا دا ءتيىمدى. مەملەكەت وسى نىسانداردى سالۋعا كەتەتىن قارجىنى الەۋمەتتىك سالانىڭ وسال تۇستارىنا باعىتتالسا, كاسىپكەر قارجىسىن ەسەلەۋگە مۇمكىندىك الادى. ەڭ باستىسى, وزىنە كاسىپكەر بولۋىنا جاعداي تۋعىزعان وتانىنىڭ مىقتى بولاشاعىنا ۇلەسىن قوسادى.