قاتار باسشىسى قاسىم-جومارت توقاەۆتى قازاقستانداعى پرەزيدەنت سايلاۋىنداعى ايقىن جەڭىسىمەن جانە پرەزيدەنتتى ۇلىقتاۋ ءراسىمىنىڭ ءساتتى وتۋىمەن قۇتتىقتادى. بۇل تۋرالى اقوردانىڭ ءباسپاسوز قىزمەتى حابارلادى.
شەيح ءتاميم بەن حاماد ءال-ءتاني مەملەكەت باسشىسىنا تابىس تىلەپ, ونىڭ جوعارى قىزمەتى قازاق حالقىنىڭ ىرىسى مەن بىرلىگىن نىعايتۋعا باعىتتالاتىنىنا سەنىم ءبىلدىردى.
قازاقستان پرەزيدەنتى قاتار امىرىنە قۇتتىقتاعانى ءۇشىن ريزاشىلىق ءبىلدىرىپ, ەكىجاقتى ىقپالداستىقتى ودان ءارى پارمەندى تۇردە جالعاستىرۋعا نيەتتى ەكەنىن ايتتى.
اڭگىمەلەسۋ بارىسىندا ەكى ەل اراسىنداعى بايلانىستاردى ودان ءارى دامىتۋ ماسەلەلەرى تالقىلاندى.
تەلەفون ارقىلى سويلەسۋگە قاتار تاراپى باستاماشى بولدى.