جوبانىڭ قۇرىلتايشىسى - بەلگىلى مەتسەنات توكەن تانا ۇلى. جوبانى ىسكە اسىرۋشىلاردىڭ ايتۋىنشا, مۇندا ءبىر مەزەتتە 1500-2000 ادام دەمالۋعا مۇمكىندىك بار. اۋماعى - 5,7 گەكتار. جوبانىڭ جالپى قۇنى - 1 ملرد 250 ملن تەڭگە دەپ باعالانىپ وتىر. بادام سۋقويماسى ماڭىنان ورىن تەپكەن بۇل ايماقتا بارلىق جاعداي قاراستىرىلعان. رەكرەاتسيالىق ايماق جىل بويى ۇزدىكسىز جۇمىس ىستەيدى. الدا دەمالىس ايماعىنىڭ جانىنان تاعى دا بىرقاتار جوبالار قولعا الىنباق.
جاڭا نىساننىڭ سالتاناتتى اشىلۋ راسىمىندە دانات ەسبول ۇلى قالا اكىمىنىڭ قۇتتىقتاۋىن جەتكىزدى. دەمالىس ايماعى قالانىڭ تۋريزم سالاسىنىڭ دامۋىنا ۇلەس قوسىپ, باسەكەلەستىك ورتا قالىپتاستىراتىنىنا سەنىم ءبىلدىردى. قازاق ەلىنىڭ تۇڭعىش عارىشكەرى توقتار اۋباكiروۆ تە ەل يگىلىگىنە جۇمىس ىستەي بەرۋىنە تىلەكتەستىگىن ءبىلدىردى.