جەزقازعان قالاسىندا سلوۆاكيانىڭ كومپانياسى بيوەلەكتر ستانساسىن سالۋعا نيەت ءبىلدىرىپ وتىر. جوبا بويىنشا, اتالعان نىساندا تۇرمىستىق قالدىقتاردان گاز ءوندىرىلىپ, كەيىن ول ەلەكتر ەنەرگياسىنا اينالدىرىلاتىن بولادى.
جەزقازعان قالاسى اكىمىنىڭ ورىنباسارى نۇرجان ورىنباەۆتىڭ ايتۋىنشا, بيوەلەكتر ستانساسىنىڭ قۇرىلىسى كەڭگىر اۋىلىنان 2 شاقىرىم جەردەگى اۋماعى 4,5 گەكتار بولاتىن الاڭقايدا جۇرگىزىلمەكشى.
– جوبا جۇزەگە اسقاندا, بىرقاتار ماسەلە شەشىمىن تابادى دەگەن ۇمىتتەمىز. مىسالى, قوقىستى كادەگە جاراتۋ جانە تۇرمىستىق قاتتى قالدىقتاردى قايتا وڭدەۋ, «جاسىل ەكونوميكا» تەحنولوگيالارىن ىلگەرىلەتۋ, سونداي-اق جاڭا جۇمىس ورىندارىن اشۋ سىندى پايدالى ىستەرگە قول جەتكىزىلەتىن بولادى, – دەيدى ن.ورىنباەۆ.
جوبانىڭ تاپسىرىس بەرۋشىسى – «Kaz Green Energy» فيرماسى. قۇرىلىس جۇمىستارى 2019 جىلى باستالۋى مۇمكىن.
قاراعاندى وبلىسى