كەزدەسۋگە «دۇنيەجۇزى قازاقتارى قاۋىمداستىعى» وبلىستىق فيليالىنىڭ, وبلىستىق ىشكى ساياسات باسقارماسىنىڭ باسشىلارى, «وتانداستار» كوممەرتسيالىق ەمەس اق مادەني-عىلىمي دەپارتامەنتىنىڭ ماماندارى مەن وڭىردەگى ستۋدەنت جاستار قاتىستى.
بۇل كۇندەرى مونعوليادان, قىتايدان كەلگەن قازاق جاستارى وبلىس ورتالىعىنداعى س. تورايعىروۆ اتىنداعى مەملەكەتتىك ۋنيۆەرسيتەت, پەداگوگيكالىق ۋنيۆەرسيتەتتە جانە يننوۆاتسيالىق ەۋرازيالىق ۋنيۆەرسيتەتىڭ «Foundation» دەپ اتالاتىن دايىندىق بولىمىندە وقيدى.
قازىر «Foundation» فاكۋلتەتىندەگى دايىندىق بولىمىندە موڭعوليا, قىتاي, وزبەكستان جانە رەسەي ەلدەرىنەن كەلگەن 120-عا جۋىق جاس ءبىلىم الۋدا. بيىل شەتتە تۇراتىن قازاق جاستارى ءۇشىن بولىنەتىن گرانتتار سانى ەكى ەسەگە ارتىپ, كەلەتىن ستۋدەنتتەر قاتارى كوبەيمەك.
دۇنيەجۇزى قازاقتار قاۋىمداستىعى وبلىستىق فيليالىنىڭ توراعاسى بولات زاۋتتىڭ سوزىنشە, ماقسات-جاستارىمىزدى اتامەكەنگە اكەلۋ. بىلتىر پەداگوگيكالىق ينستيتۋتتا دايىندىق توبى اشىلىپ, وعان 38 تالاپكەر قابىلدانعان.
جاستاردىڭ بارلىعى تەگىن جاتاقحانامەن قامتاماسىز ەتىلگەن. ستۋدەنتتەردى تەگىن ەمدەۋ جونىندە قالاداعى ەمحانالاردىڭ بىرىمەن كەلىسىمشارت جاسالعان.
- ءبىز جىل سايىن الىس-جاقىن شەتەلدەردە تۇرىپ جاتقان قازاقتارمەن كەزدەسىپ, ولاردىڭ ۇل-قىزدارىن اتامەكەنگە تارتۋ جونىندە ۇگىت-ناسيحات جۇرگىزەمىز. وزگە ەلدە تۇراتىن جاستارىمىزدىڭ اراسىندا ەلگە كەلىپ, ءبىلىم الىپ, تۇراقتاپ قالعىسى كەلەتىندەر كوپ.
ءبىلىم جانە عىلىم مينيسترلىگى گرانتتار سانىن ەكى ەسەگە دەيىن كوبەيتۋدە. ەلىمىز بويىنشا گرانتتار سانى 2,5 مىڭعا جەتسە, ونىڭ 200-ءى ءبىزدىڭ وبلىستاعى جوعارى وقۋ ورنىنا بەرىلەدى.
پمۋ «Foundation» فاكۋلتەتىنىڭ وقىتۋشىسى الۋا جاقانوۆانىڭ سوزىنشە, وقۋ باعدارلاماسىنا سايكەس شەتتەن كەلگەن بالالاردى ماتەماتيكالىق جانە وقۋ ساۋاتتىلىعى, قازاقستان تاريحى, قازاق ءتىلى, ورىس ءتىلى, قازاق ادەبيەتى, ماتەماتيكا, فيزيكا, بيولوگيا, حيميا, اعىلشىن ءتىلى, گەوگرافيا پاندەرى بويىنشا دايىندالۋدا.
قازاق ءتىلى ساباعى قوسىمشا وقىتىلادى. سونىمەن قاتار, وزگە ەلدە تۋىپ-وسكەن بالالار قازاق قوعامىنا تەز بەيىمدەلىپ كەتۋى ءۇشىن پاتريوتتىق, قۇقىقتىق, ادامگەرشىلىك باعىتىندا تاربيە جۇمىستارى جۇرگىزىلەدى.
ال, «وتانداستار» كوممەرتسيالىق ەمەس اق مادەني-عىلىمي دەپارتامەنتىنىڭ قىزمەتكەرى نۇرىمجان جۇماعازيننىڭ مالىمەتىنشە, كۆوتا 1500 ورىن. كۆوتا ۇبت تاپسىرعان كەزدە بالدى جيناي الماعان جاعدايدا جوو-عا تۇسۋگە مۇمكىندىك بەرەدى. شەتەلدەگى قانداستارىمىز ەمتيحانعا قۇجاتتارىن ونلاين رەجيمدە تاپسىرىپ, وقۋعا تۇسە الادى. ولار ءۇشىن جاتىن ورنى, ستيپەنديا قاراستىرىلعان.
سونداي-اق, وبلىستىق ىشكى ساياسات باسقارماسىنىڭ باسشىسى ەرنۇر داۋەنوۆ ۇبت-عا دايىندىقتىڭ ءادىس-تاسىلدەرىمەن ءبولىستى.