ۇلى دالا حيكايالارى

كورمەگە قويىلعان حالقى­مىزدىڭ باي تاريحىنان سىر شەرتەتىن تۋىندىلاردى تاماشالاۋ ماقساتىندا تاراز­دىق تۇرعىندار جامبىل وب­لىستىق قازاق دراما تەاترى­نا قاراي اعىلدى. مۇندا ءمۇسىن, كەسكىندەمە, گرافيكالارمەن قاتار, ينستاللياتسيا, پەرفورمانس, ۆيدەو جانە مەديا-ارت باعىتتارى دا قامتىلعان. « ۇلى دالا حي­كايا­لارى» اتتى سۋرەت كور­مەسىنە جامبىل وبلىسى اكى­مىنىڭ ورىن­باسارى سۇلۋ­شاش قۇر­مان­­بەكوۆا ارنايى بارىپ, كورمە جۇ­مىسىمەن تانىستى.

تاراز تورىندە ۇيىمداس­تىرىلعان كورمە بارىسىندا كورەرمەندەرگە الما­گۇل مەڭلىباەۆا, ءساۋ­لە ءسۇ­لەي­مەنوۆا, راشيد ءنۇ­رەكەەۆ جانە اس­حات احمەدياروۆ سىندى 10-نان استام تانىمال سۋرەت­شىلەردىڭ تۋىندىلارى تانىس­تىرىلدى. ال اتالعان كور­مەنىڭ حالىقارالىق جە­تەكشىسى ليزا ءاحماديدىڭ اي­تۋىنشا, بۇل تۋىندىلار الەمنىڭ 20-دان استام ەلىنەن جوعارى باعاسىن العان. سۋ­رەتشىلەردىڭ شىعار­ما­لا­رىندا كوشپەندى­لەردىڭ سالت-ءداستۇرى, جال­پى دالا مادەنيەتى قام­تىل­عان. ال وسىناۋ ۇلتتىق قۇندى­لىق­تاردى ونەر ءتى­لىندە ءسوي­لەتۋ ءۇشىن وسى سا­لاداعى بۇكىل الەمنىڭ ەڭ وزىق جانە مەي­لىنشە شەبەرلىك ۇلگى­لەرىن قولدانۋعا بارلىق مۇمكىندىك جاسال­عان. سو­نىمەن قاتار, كورمە جەتەك­شىسى كورەرمەن نازارىنا ۇسىنىلعان تۋىندىلار ۇلتتىق بولمىسىمىزدى اي­شىقتاپ, ونەر جانە مادە­نيەت, تابيعات تاماشالارى سياقتى قۇندىلىقتاردى سۋ­رەتتەيتىندىگىن ايتادى.

تاراز تۇرعىندارى ال­داعى ءبىر اي بويى جامبىل وبلىستىق قازاق دراما تەاترى­نا بارىپ, كورمەنى تە­گىن تاماشالاي الادى. بۇ­دان كەيىن كوشپەلى كورمە كەرۋەنى سىر بويىنا, ياعني قىزىل­وردا قالاسىنا قاراي جول تارتاتىن بولادى.

جامبىل وبلىسى