وڭىرلىك كوممۋنيكاتسيالار قىزمەتىنىڭ اقپاراتتىق الاڭىندا وتكەن بريفينگتە وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى ايدار ابدۋاليەۆ «قىزىلوردا قالاسىندا تۇرمىستىق قاتتى قالدىقتاردى سۇرىپتاۋ كەشەنى پوليگونىنىڭ قۇرىلىسى جانە سىرتقى ينجەنەرلىك جەلىلەردى جەتكىزۋ» جوباسىن مەملەكەتتىك - جەكەشەلىك ارىپتەستىك اياسىندا ىسكە اسىرۋ جوسپارلانعاندىعى جونىندە ايتتى.
«اتالعان جوباعا بەلكول كەنتى اۋماعىنان 20 گەكتار جەر ۋچاسكەسى تاڭدالىپ الىندى. جوبانى ىسكە قوسۋ مەرزىمى – بيىلعى جىلدىڭ 1 قازان ايى بولىپ بەلگىلەندى», - دەدى ول.
سونداي-اق, وبلىستىق بيۋدجەتتەن قارجى ءبولىنىپ, ارال اۋدانىنىڭ ارال قالاسىندا دا پوليگون قۇرىلىسى باستالىپ, وسى جىلى ىسكە قوسىلاتىن بولادى.
الداعى ۋاقىتتا ارال اۋدانىنىڭ سەكسەۋىل كەنتىنە جانە سىرداريا اۋدانىنىڭ تەرەڭوزەك كەنتىنە تۇرمىستىق قاتتى قالدىقتارعا ارنالعان پوليگون قۇرىلىسىن جۇرگىزۋ جوسپارلانىپ وتىر ەكەن.