كەزدەسۋ بارىسىندا قاتىسۋشىلار الداعى پرەزيدەنتتىك سايلاۋعا دايىندىقتى تالقىلادى. قازاقستان حالىقارالىق ستاندارتتارعا سايكەس سايلاۋدى اشىق جانە ادال وتكىزۋگە ۇلكەن ءمان بەرەتىنى اتاپ ءوتىلدى. قازاقستان رەسپۋبليكاسىنىڭ سايلاۋ زاڭناماسىنا سايكەس حالىقارالىق باقىلاۋشىلاردىڭ ءتيىمدى جۇمىسى ءۇشىن بارلىق قاجەتتى جاعدايلار جاسالدى.
سايلاۋ پروتسەسىنىڭ مونيتورينگى ءۇشىن ورتالىق سايلاۋ كوميسسياسىمەن بىرلەسىپ بىرقاتار مەملەكەتتەر مەن ءتيىستى حالىقارالىق ۇيىمداردان حالىقارالىق باقىلاۋشىلار شاقىرىلدى. حالىقارالىق باقىلاۋشىلاردىڭ ەڭ كوپ سانى تمد ميسسياسىنان – دوستاستىقتىڭ 8 مەملەكەتىن بىلدىرەتىن 432 باقىلاۋشى تىركەلگەن.
سىرتقى ساياسات ۆەدومستۆوسىنىڭ باسشىسى الداعى سايلاۋ ءساتتى وتەتىنىنە جانە تمد ميسسياسى تاراپىنان وبەكتيۆتى باعا بەرەتىنىنە سەنىم ءبىلدىردى.
تمد بايقاۋشىلار ميسسياسىنىڭ جەتەكشىسى س. لەبەدەۆ سايلاۋعا ساپالى دايىندىقتى اتاپ ءوتىپ, دوستاستىق وكىلدەرى قازاقستاننىڭ بارلىق ايماقتارىندا بايقاۋشىلار رەتىندە جۇمىس ىستەيتىنىن حابارلادى. «ءبىزدىڭ باستى ۇستانىمىمىز مەملەكەتتىڭ ۇلتتىق زاڭناماسىن قۇرمەتتەۋ جانە ىشكى ىستەرگە ارالاسپاۋ», - دەدى تمد اتقارۋشى حاتشىسى.
تاراپتار سونداي-اق حالىقارالىق جانە وڭىرلىك كۇن تارتىبىندەگى, دوستاستىق شەڭبەرىندەگى ىنتىماقتاستىقتى ودان ءارى دامىتۋ ماسەلەلەرىنىڭ كەڭ اۋقىمىن تالقىلادى.
كەزدەسۋ سوڭىندا ءسىم باسشىسى تمد بايقاۋشىلارىنا الداعى سايلاۋدا وتەتىن بايقاۋعا قاتىسقانى ءۇشىن العىس ايتىپ, ودان ءارى جەمىستى ىنتىماقتاستىققا سەنىم ءبىلدىردى.