تاراپتار قازاقستان جانە قىتايدىڭ ءتۇرلى حالىقارالىق الاڭداردا جانە كوپجاقتى قۇرىلىمدار اياسىنداعى ءوزارا ءىس-قيمىل ماسەلەلەرىن تالقىلاپ, حالىقارالىق كۇن تارتىبىندەگى ماسەلەلەر بويىنشا ەكى ەلدىڭ ۇستانىمدارىنىڭ ۇقساستىعىن اتاپ ءوتتى.
كەزدەسۋدە سونداي-اق ساۋدا-ەكونوميكالىق ىنتىماقتاستىق, اتاپ ايتقاندا, وتاندىق اۋىل شارۋاشىلىعى ونىمدەرىن قىتايدىڭ كەڭ نارىعىنا جىلجىتۋ ماسەلەلەرى تالقىلاندى. قازاقستان اۋىل شارۋاشىلىعى ورگانيكالىق ونىمدەرى ەكسپورتىنىڭ كولەمىن ۇلعايتۋ بويىنشا ۇلكەن الەۋەتكە يە.
قازىرگى ۋاقىتتا قازاقستان جانە قىتاي اراسىندا قازاقستاندىق اۋىل شارۋاشىلىعى ونىمدەرىن قحر-عا ەكسپورتتاۋ بويىنشا 14 ۇكىمەتارالىق رۇقسات بەرۋ قۇجاتتارىنا قول قويىلدى.
كەلىسسوزدەر بارىسىندا ينۆەستيتسيالاردى تارتۋ جانە ەكسپورتتى ىلگەرىلەتۋدى ۇيلەستىرۋ جونىندەگى مەملەكەتتىك ساياساتتى ىسكە اسىرۋ اياسىندا ساۋدا سالاسىن كەڭەيتۋ, قۇرىلىمدى وڭتايلاندىرۋ جانە ساۋدا اۋقىمىن ۇلعايتۋ, سونداي-اق قازاقستان جانە قىتاي اراسىنداعى ساۋداداعى جوعارى تەحنولوگيالىق ونىمدەردىڭ ۇلەسىن ارتتىرۋ ماسەلەلەرىن رەتتەۋ جولىمەن ەكىجاقتى تاۋار اينالىمىن ارتتىرۋعا ەرەكشە نازار اۋدارىلدى.
بۇدان بولەك, تاراپتار ەكى مەملەكەت باسشىلارىنىڭ باستاماسى بويىنشا ىسكە اسىرىلاتىن ءىرى بىرلەسكەن ينۆەستيتسيالىق جوبالاردىڭ ءبىرى بولىپ تابىلاتىن «قورعاس» شەكارا ماڭى ىنتىماقتاستىعى حالىقارالىق ورتالىعىن ودان ءارى دامىتۋ قاجەتتىگىن اتاپ ءوتتى.