سايلاۋ جۇيەسىندە شامامەن 70 مىڭ ادام جۇمىس ىستەيدى. ولاردىڭ ىشىندە 41 مىڭنان استامىندا الدىڭعى سايلاۋ ناۋقانىن وتكىزۋ تاجىريبەسى بار. وسى جىلدىڭ باسىندا وتكىزىلگەن سايلاۋ كوميسسيالارىنىڭ جاڭا قۇرامىن قالىپتاستىرۋ كەزىندە ولاردىڭ 40%-ى جاڭارتىلدى. ولاردىڭ كوبىسى ۋچاسكەلىك جانە اۋماقتىق كوميسسيالاردا تۇراقتى تۇردە جۇمىس ىستەمەيتىن ادامدار.
ورتالىق سايلاۋ كوميسسياسى (وسك) بۇكىل ەل بويىنشا سايلاۋ كوميسسيالارىنداعى سايلاۋدى ۇيىمداستىرۋشىلاردىڭ بىلىكتىلىگىن ارتتىرۋ اۋقىمىن تۇسىنە وتىرىپ, ولاردى جۇيەلى نەگىزدە وقىتۋدى ۇيىمداستىرۋدا. سايلاۋ كوميسسيالارىنىڭ كادرلارىن اعىمداعى سايلاۋعا دايارلاۋ قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن دايىنداۋ كەزەڭىندە سايلاۋ كوميسسيالارىنىڭ مۇشەلەرىن جانە سايلاۋ پروتسەسىنىڭ وزگە دە قاتىسۋشىلارىن وقىتۋ جوسپارعا سايكەس جۇرگىزىلدى.
ەلەكتوراتتىق وقىتۋ التى باعىت بويىنشا ءارتۇرلى نىساندا ءوتكىزىلدى: اۋماقتىق سايلاۋ كوميسسياسىنىڭ كاسىبي نەگىزدە جۇمىس ىستەيتىن مۇشەلەرى قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىنىڭ بازاسىندا وقىتىلدى; اۋماقتىق سايلاۋ كوميسسياسى تومەن تۇرعان سايلاۋ كوميسسيالارىنىڭ مۇشەلەرىن جەر-جەرلەردە وقىتتى; قاشىقتان وقىتۋ جانە تەستىلەۋ جۇرگىزىلدى, وسك اپپاراتىنىڭ قىزمەتكەرلەرى مەن مۇشەلەرى وڭىرلەردە كوشپەلى وقىتۋلاردى وتكىزدى, سەمينارلار بەينەكونفەرەنتسبايلانىس ارقىلى وڭىرلەردە كورسەتىلدى, سونداي-اق سايلاۋ پروتسەسىنىڭ وزگە دە قاتىسۋشىلارىنا (سەنىم ءبىلدىرىلگەن ادامدار, بايقاۋشىلار, رەسپۋبليكالىق قوعامدىق بىرلەستىكتەردىڭ, ساياسي پارتيالاردىڭ, بۇقارالىق اقپارات قۇرالدارىنىڭ وكىلدەرى, جاس سايلاۋشىلار جانە ت.ب.) بىرقاتار وقىتۋ ءىس-شارالارى ۇيىمداستىرىلدى.
اۋماقتىق سايلاۋ كوميسسياسى جانە ۋچاسكەلىك سايلاۋ كوميسسياسىنىڭ 4 112 مۇشەسى 16 ساۋىردەن باستاپ 30 مامىرعا دەيىن قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىنىڭ بازاسىندا كۇندىزگى وقۋدان ءوتتى. اقمولا, قىزىلوردا جانە اتىراۋ وبلىستارى وڭىرلىك فيليالدار ارقىلى وقىتۋدىڭ ەداۋىر بولىگىن قامتاماسىز ەتتى. ەلەكتوراتتىق وقىتۋ پروتسەسىنە ورتسايلاۋكوم بۇعان دەيىن دايىنداعان 100-دەن اسا سەرتيفيكاتتالعان ترەنەر تارتىلدى. ءوز كەزەگىندە اۋماقتىق سايلاۋ كوميسسيالارى جەر-جەرلەردە تومەن تۇرعان سايلاۋ كوميسسيالارىنىڭ مۇشەلەرىن وقىتتى. ولار قالالاردا, اۋدان ورتالىقتارىندا, كەنتتەردە شامامەن 2,5 مىڭ كوشپەلى وقىتۋ سەمينارلارىن وتكىزدى.
اۋماقتىق جانە ۋچاسكەلىك سايلاۋ كوميسسيالارى سايلاۋدى ۇيىمداستىرۋشىلاردى وقىتۋدى ۇيىمداستىرۋ ءۇشىن ادىستەمەلىك بازامەن قامتاماسىز ەتىلدى – ورتسايلاۋكوم 10 ادىستەمەلىك قۇرال مەن اقپاراتتىق-ءتۇسىندىرۋ ماتەريالدارىن, سونداي-اق داۋىس بەرۋ كۇنگى سايلاۋدى ۇيىمداستىرۋشىلاردىڭ جۇمىسى تۋرالى وقىتۋ ءفيلمىن قولجەتىمدى ەتىپ شىعارىپ, وسك سايتىندا ورنالاستىردى, اتالعان فيلم وسك ينتەرنەت-رەسۋرسىندا, سونداي-اق بارلىق سايلاۋ كوميسسيالارىنا جەتكىزىلدى.
30 730 ادام «سايلاۋ پروتسەسىنىڭ قۇقىقتىق نەگىزدەرى جانە قازاقستان رەسپۋبليكاسى پرەزيدەنتىنىڭ سايلاۋىن وتكىزۋ كەزىندەگى سايلاۋ كوميسسيالارىنىڭ جۇمىسىن ۇيىمداستىرۋ» ءمودۋلى بويىنشا قاشىقتان وقىتۋدان جانە تەستىلەۋدەن ءوتتى. قاشىقتان وقىتۋ جانە تەستىلەۋ جۇيەسى وسك ينتەرنەت-رەسۋرسىندا ورنالاسقان جانە بارلىعى ءۇشىن اشىق «وڭىرلەر بويىنشا قاشىقتان وقىتۋ جانە تەستىلەۋ ستاتيستيكاسى» ءبولىمى بار, مۇندا ۇنەمى جاڭارتىلاتىن رەجىمدە ستاتيستيكالىق اقپارات كورسەتىلەدى.
وسك اپپاراتىنىڭ مۇشەلەرى مەن قىزمەتكەرلەرى وڭىرلەردە 17 كوشپەلى وقىتۋ سەمينار-كەڭەسىن وتكىزىپ, 10 263 سايلاۋ پروتسەسىن ۇيىمداستىرۋشىنى وقىتتى. وڭىرلەرمەن بەينەكونفەرەنتسبايلانىس بويىنشا سەمينارلاردى ورتسايلاۋكوم اقپان ايىنان باستاپ جۇرگىزۋدە, كەزەكتەن تىس سايلاۋ جاريالانعان كەزدەن باستاپ ورتسايلاۋكوم بەينەكونفەرەنتسبايلانىس ارقىلى اعىمداعى سايلاۋ ناۋقانىن ۇيىمداستىرۋ جانە دايىنداۋ ماسەلەلەرى بويىنشا 12 سەمينار وتكىزدى.
بارلىق دەڭگەيدەگى سايلاۋ كوميسسيالارىنىڭ مۇشەلەرىن دايىنداۋدان باسقا سايلاۋ پروتسەسىنە وزگە دە قاتىسۋشىلار ءۇشىن وقىتۋ ءىس-شارالارىن ۇيىمداستىرۋ مەن وتكىزۋگە جەكە توقتالعان دۇرىس. مىسالى, 13 مامىردا نۇر-سۇلتان قالاسىنىڭ اۋماقتىق سايلاۋ كوميسسياسى بازاسىندا ورتسايلاۋكوم رەسپۋبليكالىق قوعامدىق بىرلەستىكتەردىڭ وكىلدەرى ءۇشىن قازاقستان رەسپۋبليكاسى پرەزيدەنتىنىڭ سايلاۋى ناۋقانىن قارجىلاندىرۋ ماسەلەلەرى بويىنشا, سونداي-اق سايلاۋ كوميسسيالارىنىڭ پرەزيدەنتتىككە ءوز كانديداتتارىن ۇسىنعان رەسپۋبليكالىق قوعامدىق بىرلەستىكتەرمەن ءوزارا ءىس-قيمىلى بويىنشا سەمينار وتكىزدى. سەمينار جۇمىسىنا كانديداتتاردىڭ سەنىم بىلدىرىلگەن ادامدارى مەن ولاردىڭ شتابتارىنىڭ وكىلدەرى قاتىستى.
اقمولا, سولتۇستىك قازاقستان, جامبىل وبلىستارىندا ورتسايلاۋكوم جاستار ىستەرى جونىندەگى كوميتەتتەردىڭ توراعالارىمەن كەزدەسۋلەر وتكىزدى. وڭىرلىك جوعارى وقۋ ورىندارىنىڭ الەۋەتىن اۋماقتىق سايلاۋ كوميسسيالارىمەن بىرلەسىپ جۇمىس ىستەۋگە تارتۋ ءۇشىن ورتسايلاۋكوم قازاقستاننىڭ جوعارى وقۋ ورىندارىنىڭ ستۋدەنتتەرى اراسىندا سايلاۋ قۇقىعى مەن سايلاۋ پروتسەسى ماسەلەلەرى بويىنشا ۇلتتىق ۆيكتورينا جۇرگىزۋدە. بۇل ءىس-شارا – تمد پارلامەنتارالىق اسسامبلەياسىنىڭ كەڭەسى باستاماشىلىق ەتكەن مەملەكەتارالىق جوبانىڭ ۇلتتىق كەزەڭى.
24 مامىردا سايلاۋ قۇقىعى نەگىزدەرىن ءبىلۋ ۆيكتوريناسىنىڭ العاشقى ينتەراكتيۆتى تۋرى ءوتتى, وعان قازاقستاننىڭ 29 جوو-سىنان 170 ستۋدەنت قاتىستى. 4 ماۋسىمدا بەينەكونفەرەنتسبايلانىس فورماتىندا ەكىنشى تۋر ءوتتى, وندا ءبىرىنشى كەزەڭنىڭ 10 جۇلدەگەرى سايلاۋ تاقىرىبىنا ارنالعان پىكىرتالاسقا قاتىستى. ۇلتتىق كەزەڭنىڭ جەڭىمپازى اعىمداعى جىلدىڭ قىركۇيەك ايىندا تمد ەلدەرىنىڭ قۇراما كومانداسى قاتارىندا سانكت-پەتەربۋرگتەگى عىلىمي پىكىرتالاسقا قاتىساتىن بولادى.
اۋماقتىق سايلاۋ كوميسسيالارىنىڭ جاستارمەن جۇرگىزگەن بەلسەندى جۇمىسىن اتاپ وتكەن ءجون. الماتى قالاسىنىڭ اۋماقتىق سايلاۋ كوميسسياسى 24 ءساۋىر كۇنى, ءال-فارابي اتىنداعى قازاق ۇلتتىق ۋنيۆەرسيتەتىنىڭ, اباي اتىنداعى قازاق ۇلتتىق پەداگوگيكالىق ۋنيۆەرسيتەتى مەن قازاق ۇلتتىق اگرارلىق ۋنيۆەرسيتەتىنىڭ العاش رەت داۋىس بەرەتىن جاس سايلاۋشى ستۋدەنتتەرىمەن كەزدەسۋلەر وتكىزدى. جامبىل وبلىسىنىڭ اۋماقتىق سايلاۋ كوميسسياسى 22 مامىردا جوعارى پوليتەحنيكالىق كوللەدج بازاسىندا جاس سايلاۋشىلارعا ارنالعان «جاستار جازعى مەكتەبىنىڭ كوشباسشىسىن سايلاۋ» وقىتۋ ءىس-شاراسىن ۇيىمداستىردى. شىعىس قازاقستان وبلىسىنىڭ اۋماقتىق سايلاۋ كوميسسياسى ءوڭىر كوللەدجدەرىنىڭ 140 العاش رەت داۋىس بەرۋشى ستۋدەنتىن وقىتتى. اقتوبە وبلىسىنىڭ اۋماقتىق سايلاۋ كوميسسياسى سايلاۋ پروتسەسىنە قاتىسۋشىلاردىڭ بارلىق ساناتتارىمەن: كانديداتتاردىڭ سەنىم بىلدىرىلگەن ادامدارىمەن, بايقاۋشىلارىمەن, ساياسي پارتيالاردىڭ, قوعامدىق بىرلەستىكتەردىڭ, قۇقىق قورعاۋ ورگاندارىنىڭ, باق وكىلدەرىمەن جانە جاس سايلاۋشىلارمەن وقىتۋ ءىس-شارالارىن وتكىزدى.
بۇگىنگى تاڭدا سايلاۋ پروتسەسىنە قاتىسۋشىلاردىڭ 4,5 مىڭعا جۋىعى دايىندىقتان ءوتتى. جالپى, قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنا دايىندىق كەزەڭىندە بارلىق دەڭگەيدەگى سايلاۋ كوميسسيالارىنىڭ مۇشەلەرى, سونداي-اق سايلاۋ پروتسەسىنىڭ وزگە دە قاتىسۋشىلارىنىڭ 120 مىڭعا جۋىق ادامدى وقىتۋدىڭ ءتۇرلى نىساندارىمەن قامتىلدى.
ءسابيلا مۇستافينا, ورتالىق سايلاۋ كوميسسياسىنىڭ حاتشىسى