يندۋستريا جانە ينفراقۇرىلىمدىق دامۋ ءمينيسترى ر. سكليار, اۋىل شارۋاشىلىعى ءمينيسترى س. وماروۆ حالىقتى ساپالى اۋىز سۋمەن قامتاماسىز ەتۋ جونىندە باياندادى, سونداي-اق الماتى وبلىسىنىڭ اكىمى ا. باتالوۆتىڭ, قىزىلوردا وبلىسىنىڭ اكىمى ق. كوشەرباەۆتىڭ, جامبىل وبلىسىنىڭ اكىمى ا. مىرزاحمەتوۆتىڭ, قاراعاندى وبلىسىنىڭ اكىمى ە. قوشانوۆتىڭ باياندامالارى تىڭدالدى.
سونداي-اق, ماسەلەنى قاراۋ بارىسىندا سۋمەن جابدىقتاۋ جانە سۋ تارتۋ سەكتورىنا بەلسەندى تۇردە قاتىساتىن ۇيىمداردىڭ وكىلدەرى ءسوز سويلەدى.
شىمكەنت قالاسىنداعى «سۋ رەسۋرستارى – ماركەتينگ» جشس جەكە سۋ ارناسىنىڭ قاداعالاۋشى كەڭەسىنىڭ توراعاسى ا. ورمان حالىقارالىق قارجى ۇيىمدارى سالعان ينۆەستيتسيالاردىڭ ناتيجەسىندە ازاماتتارعا ۇسىنىلاتىن قىزمەتتەردىڭ ساپاسى ارتقانىن ايتتى. 2010 جىلدان باستاپ 2 مۆت بويىنشا كۇن جانە سۋ قۋاتى ستانتسيالارى سالىنىپ, پايدالانۋعا بەرىلدى, 947 شاقىرىم سۋمەن جابدىقتاۋ جەلىسى جانە 67 شاقىرىم كارىز جەلىسى رەكونسترۋكتسيالاندى. تسيفرلىق تەحنولوگيالاردى قولدانۋ ارقىلى اۋىز سۋدى ءوندىرۋ جانە تاسىمالداۋ تاسىلدەرى جاڭعىرتىلدى. بۇگىندە تازارتۋ نىساندارى اۆتوماتتى رەجيمدە باسقارىلادى.
«سالىنعان ينۆەستيتسيالار تۇتىنۋشىلارعا دەيىن سۋدى ۇزدىكسىز بەرۋدى قامتاماسىز ەتۋگە, سونداي-اق, ەكولوگيالىق جانە سانيتارلىق تالاپتارعا سايكەس اعىن سۋلاردى تولىقتاي تازارتۋعا جول اشتى. نورماتيۆتىك-تەحنيكالىق شىعىندار 2,4 ەسەگە قىسقاردى. 1 م² سۋدى وندىرۋگە جۇمسالاتىن ەلەكتر ەنەرگياسىنىڭ شىعىندارى 12 ەسەگە قىسقاردى», — دەدى ا. ورمان.
ءوز كەزەگىندە, ەۋروپا قايتا قۇرۋ جانە دامۋ بانكى وكىلدىگىنىڭ ديرەكتورى اگريس پرەيمانيس تكش سەكتورى قازاقستانداعى ەققدب جۇمىسىنىڭ باسىم باعىتتارىنىڭ ءبىرى ەكەنىن اتاپ ءوتتى. ەلىمىزدىڭ وڭىرلەرىندە ىسكە اسىرىلىپ جاتقان سۋمەن جابدىقتاۋ جانە سۋ تارتۋ سەكتورىنا 30 ملرد-تان استام تەڭگە ينۆەستيتسيالاندى. بىرلەسىپ اتقارعان جۇمىستىڭ ناتيجەسىندە اۋىز سۋ ساپاسى جاقسارتىلدى, سۋ بەرۋ كولەمى ۇلعايتىلدى, شىعىندار تومەندەتىلدى, جەتكىزىلگەن سۋدى ەسەپكە الۋ پايىزى ارتتى جانە ت.ب. ا. پرەيمەنيستىڭ ايتۋىنشا, وسىعان ۇقساس جۇمىس سۋمەن جابدىقتاۋ, سۋ تارتۋ, كارىزدىك تازارتۋ نىساندارى سالالارىندا قىزمەت كورسەتەتىن باسقا كومپانيالاردا جۇرگىزىلۋى مۇمكىن.
قورىتىندىلاي كەلە, ۇكىمەت باسشىسى ەلدى مەكەندەردى ساپالى اۋىز سۋمەن قامتۋ جانە سۋمەن جابدىقتاۋ ماسەلەسىنىڭ ماڭىزدىلىعىن اتاپ ءوتتى, اتالعان ماسەلەنى شەشۋ حالىقتىڭ تۇرمىس ساپاسىن جاقسارتۋعا تىكەلەي اسەر ەتەدى.
«قابىلدانىپ جاتقان شارالار 2023 جىلى حالىقتى اۋىز سۋمەن 100% قامتاماسىز ەتۋ ماسەلەسىن شەشۋگە جول اشادى», — دەدى پرەمەر-مينيستر اسقار مامين.
الماتى جانە قىزىلوردا وبلىستارىندا اۋىلداردى اۋىز سۋمەن قامتۋدىڭ جوعارى پايىزى بەلگىلەنگەن. ءوز كەزەگىندە, جامبىل, قوستاناي جانە پاۆلودار وبلىستارىنىڭ اكىمدىكتەرىنە اتالعان باعىتتاعى جۇمىستى جانداندىرىپ, اۋىلداردى سۋمەن تۇراقتى تۇردە قامتاماسىز ەتۋ شارالارىن كۇشەيتۋ تاپسىرىلدى.
«اكىمدىكتەر جۇمىسىنىڭ ناتيجەلىگىنىڭ جاڭا كورسەتكىشىن انىقتاۋ قاجەت – بۇل حالىقتىڭ تازا اۋىز سۋعا قولجەتىمدىلىگىن قامتاماسىز ەتۋ», — دەپ ا. مامين, اۋىلدىق, توپتىق سۋ تاراتقىشتاردى جاقسارتۋ ماقساتىندا وسى فۋنكتسيالاردى اۋىل شارۋاشىلىعى مينيسترلىگىنە وتكىزۋ ماسەلەسىن پىسىقتاۋدى تاپسىردى.
پرەمەر-مينيستر 2023 جىلى قالالار مەن اۋىلداردى سۋمەن جابدىقتاۋمەن ءجۇز پايىز قامتاماسىز ەتۋ ماقساتىندا وڭىرلىك جوسپارلارعا تۇزەتۋلەر ەنگىزىپ, بارلىق سۋمەن قامتۋ نىساندارىن پايدالانۋعا بەرۋ شارالارىن قابىلداۋدى تاپسىردى.
قالالاردا كارىزدىك تازارتۋ نىساندارىن (كتن) سالۋ جانە جاڭعىرتۋ جۇمىستارىن جەدەلدەتۋگە جەكەلەي كوڭىل ءبولىندى. بۇل باعىتتا كتن جوبالارىنىڭ ينۆەستيتسيالىق تارتىمدىلىعىن ارتتىرۋ جۇمىستارى جۇرگىزىلىپ جاتىر. كوپتەگەن حالىقارالىق قارجى ينستيتۋتتارى وسىعان ۇقساس جوبالاردى قارجىلاندىرۋعا قىزىعۋشىلىق تانىتىپ جاتىر. پرەمەر-مينيستر ا. مامين حالىقارالىق تاجىريبەنى ەسكەرە وتىرىپ, مەملەكەتتىك-جەكەمەنشىك ارىپتەستىك اياسىندا قارجىلاندىرۋ تەتىكتەرىن پىسىقتاۋدى تاپسىردى.
«ەلباسىنىڭ قاۋىپسىزدىك كەڭەسىنىڭ وتىرىسىندا ازاماتتاردىڭ تۇرمىس ساپاسىن, قولايلىلىعىن جاقسارتۋ, قالا نەمەسە اۋىلدىق جەر ەكەنىنە قاراماستان, حالىقتى ساپالى اۋىز سۋمەن قامتۋ جانە سۋمەن جابدىقتاۋ بويىنشا العا قويعان مىندەتىن ورىنداۋ قاجەت», — دەدى اسقار مامين. — پرەزيدەنت قاسىم-جومارت توقاەۆتىڭ وڭىرلەرگە جۇمىس ساپارلارى بارىسىندا بەرىلىپ جاتقان, قالالار مەن اۋىلداردى سۋمەن قامتاماسىز ەتۋ جونىندەگى تاپسىرمالارىن ورىنداۋ بويىنشا اۋقىمدى جۇمىستاردى اتقارۋىمىز كەرەك».