جاس دارىنداردى قولداۋعا بايقاۋدىڭ 2017 جىلعى فيناليسى دارينا ماعاۋينا ارنايى كەلىپ, ساحناعا شىعىپ, ءان شىرقاپ, ءوزىنىڭ تاجىريبەسىمەن ءبولىستى. ونەرلى بالعىنداردىڭ قارىم-قابىلەتىن Q-pop يندۋسترياسىنىڭ جارىق جۇلدىزى Ziruza مەن تانىمال مۋزىكالىق پروديۋسەر فاريدا نيازوۆا باعالادى. سونىمەن, بايقاۋدىڭ اقتىق كەزەڭىنە وسكەمەننىڭ 10 جاستاعى تۇرعىنى راميلا نۇرالدينوۆا جولداما الدى. بۇل بالدىرعان 4 جاسىنان باستاپ ءان سالىپ, 6 جاسىنان بەرى مۋزىكالىق مەكتەپتەگى سولفەدجيو مەن xورەوگرافيا ساباقتارىنا قاتىسىپ كەلەدى ەكەن. ءارتۇرلى بايقاۋلاردا بىرنەشە مارتە گران-پري يەگەرى اتانىپتى. ەندى ول بايقاۋدىڭ فينالىندا شىعىس قازاقستان وبلىسىنىڭ اتىنان ونەر كورسەتەدى. راميلا نۇرالدينوۆا كۇزدە قازاقستاننىڭ باسقا ايماقتارىنىڭ 16 فيناليسىمەن «جۇلدىزدى ارمان ۇيىندە» كەزدەسەدى. بايقاۋدىڭ سۋپەرفينالىنا دايىندالۋ ماقساتىندا بالالار ۆوكال, حورەوگرافيا جانە ارتىستىك قابىلەتتەرىن ارتتىراتىن ساباقتارعا قاتىسپاق.
وسكەمەن