بيىلعى پلەنارلىق وتىرىستاردا «جاھان(سىز)دانۋ: الەم دامۋدىڭ جاڭا ۇلگىسىن ىزدەۋدە», «تۇتىنۋ داعدارىسى», «ماسس-مەديانىڭ تسيفرلىق شىنايىلىعى: سىناقتى قابىلداي الامىز با؟» «ءاى ءداۋىرى: ادامزاتتىڭ قۇلدىراۋى الدە گۇلدەنۋى؟», «سەنىم داعدارىسى. كۇشتەردىڭ جاھاندىق ءبولىنىسى», «بلوگەرلەر: ۆيرتۋالدىق الەمنىڭ جاڭا روك-جۇلدىزدارى ما؟», «زاڭسىز-زاڭدى: ماريحۋانا قولجەتىمدى!» تاقىرىپتارى تالقىعا تۇسەدى.
سونداي-اق جيىن بارىسىندا «ورتالىق ازياداعى ايماقتىق ينتەگراتسيا» تاقىرىبىندا دوڭگەلەك ۇستەل وتكىزىلەدى. وندا ورتالىق ازيا ەلدەرىنىڭ جاڭا بىرلەستىگىنىڭ بولاشاعىنا ساراپشى كوزقاراس بىلدىرىلەدى.
ۇيىمداستىرۋشىلار فورۋمعا 19 ەلدەن شەتەلدىك سپيكەر, ەلىمىزدىڭ مەملەكەت قايراتكەرلەرى مەن ايتۋلى ساراپشىلارىنىڭ قاتىسۋىن كۇتۋدە. باسقوسۋعا اقش, كانادا, ۇلىبريتانيا, اۆستراليا, گەرمانيا, رەسەي, گرۋزيا, پولشا, ۋكراينا, اۆستريا, قىتاي, ەستونيا, سلوۆەنيا, سەنت-ۆينسەنت جانە گرەنادين, ليۆان, اندوررا, نايروبي, وار, ءباا وكىلدەرى قاتىسادى.
بيىلعى سپيكەرلەر قاتارىندا ەستون ساياساتكەرى, ەستونيانىڭ ەكس-پرەزيدەنتى (2006-2016 جج.) حەندريك يلۆەس (ەستونيا), ورتالىق بارلاۋ باسقارماسىنىڭ باسشىسى (1993-1995 جج), قۋاتتى ساقتاۋ بويىنشا ساراپشى, GenieEnergyLtd. ستراتەگيالىق كەڭەسشىسى, SivaPower, Inc. ديرەكتورلار كەڭەسىنىڭ مۇشەسى روبەرت دجەيمس ۆۋلسي, كونگرەسسمەن, پەنسيلۆانيا وكرۋگى اتىنان رەسپۋبليكاشىل (1987-2007 جج.) ۋەين كەرتيسۋەلدون (اقش), رەسەيدەگى Facebook, Instagram جانە Messenger ايماقتىق ديرەكتورى اننا-ماريا ترەنەۆا (رەسەي), فۋتۋريست جانە «ماشينەلەر كوتەرىلىسى», «زەرتتەۋ اۆتورلارى – جاساندى اقىل-ويدى جاساۋشىلاردىڭ شىندىعى» كىتاپتارىنىڭ اۆتورى مارتين فورد (اقش), جۋرناليست, تاسس باس ديرەكتورىنىڭ ءبىرىنشى ورىنباسارى ميحايل گۋسمان (رەسەي), جۋرناليست, «گوردون بۋلۆارى» گازەتىنىڭ باس رەداكتورى, «گوردون» ينتەرنەت-باسىلىمىنىڭ نەگىزىن سالۋشى دميتري گوردون (ۋكراينا), تاۋەلسىز جۋرناليست جانە «IlvesInternational» باس ديرەكتورى اندرەسيلۆەس (وڭتۇستىك افريكا), CGTN باعدارلاماسىنىڭ اۆتورى جانە جۇرگىزۋشىسى ستيۆەن كوۋل ( ۇلىبريتانيا) بار.
فورۋم اياسىندا مەديا سالاداعى كاسىبي تاقىرىپتار, اتاپ ايتقاندا, جۋرناليستيكانىڭ تسيفرلىق دۇينەدەگى كەلەشەگى مەن بلوگجۇيە ىقپالىنىڭ كۇشەيۋى ءسوز بولادى.
ەۋرازيالىق مەديا فورۋمىنىڭ (ەامف) باستى ماقساتى – ورتالىق ازياداعى جەتەكشى ءارى تاۋەلسىز ديالوگ الاڭى رەتىندە قازاقستان, ەۋرازيا جانە بۇكىل حالىقارالىق قاۋىمداستىقتى تولعاندىراتىن گەوساياسي, ەكونوميكالىق, الەۋمەتتىك-مادەني دامۋ ماسەلەلەرى بويىنشا ساياساتكەرلەر, جۋرناليستەر مەن ساراپشىلاردىڭ پىكىرتالاسىنا جول اشۋ.
الماتى