1/8 فينالدا امەريكالىق ميتچەل كريۋگەردى 7:6(7:2), 6:3 ەسەبىمەن ۇتقان جەرلەسىمىز ودان كەيىن فەليسيانو لوپەسپەن كەزدەستى. 32 جاستاعى يسپانيا تەننيسشىسىنىڭ باعىندىرعان بەلەستەرى ءبىر توبە. كەزىندە ول اتر تىزىمىندە 12 ورىنعا دەيىن كوتەرىلگەن. «ۇلكەن دۋلىعا» ساناتىنداعى جارىستاردىڭ شيرەك فينالىنا ءبىر ەمەس, بىرنەشە رەتتەن شىققان. دەۆيس كۋبوگىن ءتورت رەت, اتر تۋرنيرلەرىندە التى مارتە جەڭىمپاز اتاندى.
بۇگىنگى تاڭدا الەمدىك رەيتينگتە 91 ورىندا تۇرعان فەليسيانو لوپەسقا قارسى باسەكەنىڭ ءبىرىنشى سەتى تاي-برەيككە ۇلاستى. بۇل رەتتە جەرلەسىمىزدىڭ جولى بولدى – 7:6. ەكىنشى سەتتە قازاقستاندىق تەننيسشىنىڭ ۇستەمدىگى ەش كۇمان تۋعىزعان جوق – 6:3.
جارتىلاي فينالدا الەكساندر بۋبليكتەننيس ساندگرەنمەن سايىسقا تۇسەدى. 27 جاستاعى اقش تەننيسشىسى بىلتىر اۆستراليانىڭ اشىق بىرىنشىلىگىنىڭ شيرەك فينالىنا دەيىن جەتىپ, كوپشىلىكتىڭ تاڭداندىرعان ەدى. قازىرگى كەزدە ول اتر تىزىمىندە 93 ورىندا تۇر.