سوعان سايكەس ەرلەر مەن ايەلدەردىڭ جەكەلەگەن سايىستارىنىڭ جەڭىمپازدارى 2,62 ميلليون اقش دوللارىن ولجالايدى. ياعني, بيىلعى ماۋسىمدا توپ جارعان ويىنشىلار وتكەن جىلدىڭ چەمپيوندارىمەن سالىستىرعاندا 150 مىڭ دوللار ارتىق الادى. وزگە دە مەجەگە جەتكەندەردىڭ دە سىياقىسى ارتادى. ال ەڭ قىزىعى, تۇساۋكەسەر كەزدەسۋدە جەڭىلگەن تەننيسشىنىڭ ەسەپشوتىنا 52 مىڭ دوللار تۇسەدى. بۇل بىلتىرعىمەن سالىستىرعاندا 201 پايىزعا كوپ.
ەستەرىڭىزگە سالا كەتەيىك, «رولان گارروس-2018» تۋرنيرىندە ەرلەر باسەكەسىندە يسپانيالىق رافاەل نادال تەڭدەسسىز دەپ تانىلسا, ايەلدەر سايىسىندا رۋمىنيالىق سيمونا حالەپ دارا شىقتى. قازاقستاندىق تەننيسشىلەر اراسىنان يۋليا پۋتينتسەۆا ەڭ جاقسى ناتيجە كورسەتتى. ول وسى ءتۋرنيردىڭ شيرەك فينالىنا دەيىن جەتتى. وسى كورسەتكىشىنىڭ ارقاسىندا جەرلەسىمىز 380 مىڭ ەۆرونى قالتاعا باسقان ەدى.
بيىلعى جارىس ادەتتەگىدەي فرانتسيادا 26 مامىر مەن 9 شىلدە ارالىعىندا وتەدى.