«استانا» مەن «اتىراۋ بارىستارى» اراسىنداعى باسەكەنىڭ باسىندا-اق العاشقىلارى بىردەن 12 ۇپايعا ۇزادى. ودان كەيىنگى كەزەڭدەردە دە قارقىنىن ەش باسەڭدەتپەگەن ەلوردالىق باسكەتبولشىلار وسى باسەكەدە 89:61 ەسەبىمەن ايقىن جەڭىسكە قول جەتكىزدى.
«الماتىلىق لەگيون» مەن «توبىل» اراسىنداعى كەزدەسۋدە تارازى باسى بىرازعا دەيىن تەڭسەلىپ تۇردى. العاشىندا الماتىلىقتار ەكى ۇپاي عانا ۇتىلىپ جاتقان ەدى. بىراق ۋاقىت وزعان سايىن قوستانايلىقتاردىڭ باسىمدىعى بايقالدى. ەسەپ – 69:60.
العاشقى ەكى كەزدەسۋ دە جەڭىسكە جەتكەن «استانا» قازىر جارىس كەستەسىندە جەكە-دارا كوش باستاپ تۇر. ءبىر ويىندا ۇتىپ, بىرەۋىندە ۇتىلعان «توبىلدىڭ» دا كۋبوك ءۇشىن تالاسۋعا مۇمكىندىگى بار. ال «قاتارىنان ەكى رەت ۇتىلعان الماتىلىق لەگيونعا» باس جۇلدەدەن كۇدەرىن ۇزۋگە تۋرا كەلىپ وتىر.
ءۇشىنشى تۋردا «توبىل» كوكشەتاۋدىڭ «سينەگورەسىمەن» كۇش سىناسسا, «الماتىلىق لەگيون» «اتىراۋ بارىستارىمەن» شەبەرلىك بايقاسادى.