4-5 ءساۋىر كۇندەرى گونكونگتا رەگبي-7 سپورتى بويىنشا ايەلدەر اراسىنداعى الەمدىك سەريا تۋرنيرىنە ىرىكتەۋ سىنى وتەدى دەپ حابارلايدى Olympic.kz.
اتالعان سىنعا قازاقستان ايەلدەر كومانداسى دا اتتانىپ كەتتى. ءبىزدىڭ قۇراما ارگەنتينا, برازيليا جانە پولشامەن بىرگە س توبىنا تۇسكەن. جارىسقا جالپى ەسەبى 12 كوماندا قاتىسادى. توپتىق كەزەڭ قورىتىندىسى بويىنشا 8 ۇزدىك كوماندا پلەي-وفف كەزەڭىنە جولداما الماقشى. تۋرنير جەڭىمپازى رەگبي-7 بويىنشا وتەتىن الەمدىك سەريانىڭ كەلەسى ماۋسىمىنا ەش ىرىكتەۋسىز قاتىساتىنىن ەسكە سالامىز.