«قازگيدرومەت» رەسپۋبليكالىق مەملەكەتتىك كاسىپورنى جەرگىلىكتى بولىمشەسىنىڭ جەتەكشىسى قىمبات مەرعاليموۆانىڭ بولجامىنا قاراعاندا, كوكتەم جاۋىن-شاشىندى بولاتىن سىڭايلى.
بۇعان اق ۇلپانىڭ نورماداعىدان ەكى ەسەگە جۋىق كوپ جاۋعانى اسەر ەتىپ وتىر. بۇعان اق ۇلپانىڭ نورماداعىدان ەكى ەسەگە جۋىق كوپ جاۋعانى اسەر ەتىپ وتىر.
«كۇن كۇرت جىلىنىپ, تەمپەراتۋرا كەي جەرلەردە 20 گرادۋس جىلىلىققا جەتۋى مۇمكىن», دەدى ول توتەنشە جاعدايلاردىڭ الدىن الۋ جانە جويۋ جونىندەگى كوميسسيانىڭ كەزەكتەن تىس وتىرىسىندا.
ونداي قاۋىپتىڭ ورىن الىپ وتىرعانىن ايماق باسشىسى قۇمار اقساقالوۆ تا جاسىرمادى. ۆەدوموستۆو باسشىلارى مەن اۋدان اكىمدەرى قاتىسقان تىكەلەي بايلانىس بارىسىندا ول پرەمەر-ءمينيستردىڭ ورىنباسارى جەڭىس قاسىمبەك وڭىرگە كەلىپ, كوكتەمگى سۋ تاسقىنىنا ازىرلىك بارىسىمەن تانىسقانىن, بىرقاتار تاپسىرمالار جۇكتەگەنىن جەتكىزدى. قولداعى اقپاراتتارعا قاراعاندا سەرگەەۆكا سۋ قويماسى 93 پروتسەنتكە تولعان. قالىڭ قاردىڭ ەرۋىنەن ەسىل وزەنىنىڭ ارناسى دا كوتەرىلىپ كەلەدى. وسى سەبەپتى وبلىستا كۇشەيتىلگەن جۇمىس رەجىمى جاريالانىپ, تابيعاتتىڭ توسىن مىنەزىن ەڭسەرۋ, تۇرعىنداردىڭ قاۋىپسىزدىگىن قامتاماسىز ەتۋ شارالارىنا ەرەكشە نازار اۋدارىلىپ وتىر.
توتەنشە جاعدايلار جونىندەگى دەپارتامەنت باستىعى راميل كامالوۆ ەسەبىن قۇتقارۋشىلاردىڭ ساقاداي-ساي دايىندىعىنان باستادى. جەدەل ارەكەت ەتۋ جاساعى قۇرامىنا 1400 ادام, 730 تەحنيكا, 353 سورعى قۇرالى توپتاستىرىلعان. 18 مىڭ توننا ينەرتتى ماتەريال, قۇم سالىنعان 35 مىڭ قاپشىق, 130 توننا جانارماي قورى ازىرلەنگەن. ەلدى مەكەندەردەن 800 مىڭ تەكشە مەتر قار شىعارىلعان. قارعىن سۋدان زارداپ شەگۋى ىقتيمال اۋىلداردىڭ ماڭايىندا جارتى مىڭ شاقىرىم القاپ, 2 مىڭداي سۋ وتكىزگىش قۇبىر تازارتىلعان.
ايماق باسشىسى بارلىق ەلدى مەكەندەر مەن ۇيلەردى تەكسەرۋگە تاپسىرما بەردى. سۋ باسۋ قاۋىپىن سەيىلتۋدىڭ مۇمكىندىكتەرىن جەتە قاراستىرۋدى, تىعىرىقتان شىعۋ ءۇشىن جەكە كاسىپورىندارمەن كەلىسىم-شارتقا وتىرىپ, ولاردى تارتۋ قاجەتتىگىن اتاپ كورسەتتى. وبلىس ورتالىعىنداعى جۇمىسشى كەنتى, ويقالا, بەرەكە ىقشاماۋدارى تۇرعىندارى تاراپىنان شاعىمداردىڭ ءجيى تۇسەتىنىن ايتتى. 92 اۋىلدى سۋ شايۋ ىقتيمالدىعى باسىم. رەسپۋبليكالىق جانە وبلىستىق ماڭىزى بار جولداردىڭ ۇشجۇزدەن استام ۋچاسكەسىنە قاتەر ءتونۋى ىقتيمال. ولاردىڭ بويلارىنداعى قۇبىرلاردىڭ 64 پروتسەنتى عانا قالىپقا كەلتىرىلگەن.
«وبلىس ورتالىعىندا كەي باسپانالاردى سۋ الا باستادى. جاعداي باقىلاۋدا. سۋ سورۋ جۇمىستارىمەن 6 اپاتتىق بريگادا اينالىسادى. سۋ وتكىزگىش قۇبىرلار مۇزعا تولىپ قالعاندىقتان, بۋ كومەگىمەن ءجىبىتۋ تاجىريبەسىن قولدانۋدامىز. ەكى ديسپەتچەرلىك بەكەت تاۋلىك بويى جۇمىس ىستەيدى», دەيدى «تازارتقىش, سۋ تارتقىش جانە سۋ وتكىزگىش عيماراتتار» مەكەمەسىنىڭ ديرەكتورى پاۆەل بۋلاەۆ.
وبلىس اكىمى ق. اقساقالوۆتىڭ ءۋاليحانوۆ اۋدانىنا سۋىت ءجۇرىپ كەتتى. ويتكەنى, اقمولا وبلىسىندا ورنالاسقان سىلەتى سۋ قويماسىنان ارتىق سۋدىڭ بوساتىلىپ جىبەرىلۋىنە بايلانىستى قاراتال مەن قۋلىكول ەلدى مەكەندەرىندە كۇردەلى احۋال قالىپتاسقان. قۇمار ىرگەباي ۇلىنىڭ جەتەكشىلىگىمەن وسىندا جەدەل شتاب قۇرىلىپ, تۇرعىنداردى جايلى جەرلەرگە ورنالاستىرۋدىڭ, ازىق-ت ۇلىكپەن, ءدارى-دارمەكپەن قامتۋدىڭ جولدارى ءجىتى ويلاستىرىلعان.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى