بيىلعى 30 ناۋرىز, ياعني بۇگىن الماتىداعى قازاق ونكولوگيا جانە راديولوگيا عىلىمي-زەرتتەۋ ينستيتۋتىندا ساعات 09:00-14:00 ارالىعىندا, توق ىشەكتى وبىرىن (كولورەكتالدى قاتەرلى ىسىك) انىقتاۋ مەن الدىن الۋ ماقساتىندا اشىق ەسىك كۇنى وتەدى. وسى كۇنى قازاقستاندىقتار بىلىكتى ونكولوگ مامانداردان تەگىن كەڭەس الىپ, تەكسەرىلە الادى.
بۇل شارا قازاقستاننىڭ بارلىق وڭىرلىك ونكولوگيالىق ديسپانسەرلەرىندە جانە ونكولوگيالىق ورتالىقتاردا وتكىزىلەدى.
دۇنيەجۇزى بويىنشا كولورەكتالدى قاتەرلى ىسىكپەن اۋىرعاندار سانى جىل سايىن ارتىپ كەلەدى. قازاقستانداعى ونكوپاتولوگيانىڭ جالپى قۇرىلىمىندا وبىردىڭ بۇل ءتۇرى ەڭ كوپ تارالعان بەستىككە كىرەدى. جىل سايىن كولورەكتالدى قاتەرلى ىسىكتەردىڭ 3000-نان استام جاعداي تىركەلەدى.
تاۋەكەل توبىندا - 50 جاستان اسقان ادامدار.
قازاقستان تمد ەلدەرى بويىنشا, 2011 جىلدان بەرى كولورەكتالدى قاتەرلى ىسىككە قارسى ەرتە دياگنوستيكالاۋ تەگىن سكرينينگى ەنگىزىلگەن العاشقى ەل بولىپ تابىلادى. 50-دەن 70 جاسقا دەيىنگى قازاقستاندىقتار تۇرعىلىقتى مەكەن-جايلارى بويىنشا ورنالاسقان ەمحانالاردان كولورەكتالدى قاتەرلى ىسىككە قارسى سكرينينگتەن وتە الادى.
الماتى