25-29 ناۋرىزدا تۇركىستان وبلىسىنىڭ كورىكتى جەرىندە ەلىمىزدىڭ بارلىق ايماعىنان ايتۆ-مەن ءومىر سۇرەتىن جاسوسپىرىمدەر Johnson & Johnson فارماتسەۆتيكالىق كومپانياسىنىڭ Janssen قولداۋىمەن قازاق دەرماتولوگيا جانە ينفەكتسيالىق اۋرۋلار عىلىمي ورتالىعى مەن «قوعامدىق دەنساۋلىق اسسوتسياتسياسى» زتب ۇيىمداستىرعان كوشباسشىلىقتىڭ العاشقى قازاقستاندىق مەكتەبىنە قاتىستى.
توپتارداعى ساباقتاردى تاجىريبەلى پسيحولوگتار, الەۋمەتتىك جۇمىسكەرلەر, ۇكىمەتتىك ەمەس قوعامدىق ۇيىمداردىڭ قىزمەتكەرلەرى جۇرگىزدى. جاتتىقتىرۋشىلىققا ۋكراينادان كەلگەن ايتۆ-مەن ءومىر سۇرەتىن جاسوسپىرىمدەر شاقىرىلدى. ولار ءوز تاجىريبەسىندەگى ايتۆ-ستاتۋسىنىڭ راستىعىن قابىلداۋ, ءوزىن ءوزى قور سەزىنۋدى جەڭۋ مەن جاستار ءۇشىن قوعامدىق ۇيىمداردى قۇرۋ تۋرالى «تەڭ-تەڭىنە» قاعيداسى تۋرالى باياندادى.
– مۇنداي مەكتەپتى قولعا الۋداعى ماقسات – كوشباسشىلار قاۋىمداستىعىن قالىپتاستىرۋ ءۇشىن الدىمەن ايماقتان كەلگەن جاسوسپىرىمدەردى تانىستىرۋدى كوزدەيدى. جانە بۇل جاسوسپىرىمدەدى ەرەسەك ومىرگە بەيىمدەۋ, ىشكى الەۋەتىن ارتتىرۋ, پسيحوەموتسيونالدىق تۇراقتىلىعىن نىعايتۋ دا اسا ماڭىزدى. ايتۆ-مەن ءومىر ءسۇرۋ تۋرالى ءبىلىم دەڭگەيىن ارتتىرىپ, ەمگە جوعارعى بەيىلدىلىكتى قالىپتاستىرىپ وتىرۋ قاجەت, – دەدى قر دسم قازاق دەرماتولوگيا جانە ينفەكتسيالىق اۋرۋلار عىلىمي ورتالىعىنىڭ ديرەكتورى باۋىرجان بايسەركين.
جاسوسپىرىمدەر ۇستازدارىمەن بىرگە بەس كۇن بىلىمدەرىن تولىقتىرىپ, ايتۆ-مەن ءومىر ءسۇرۋ, كەمسىتۋشىلىك پەن ءوزىن ءوزى كەمسىتۋدى جەڭۋ, انتيرەتروۆيرۋستىق تەراپياعا بەيىلدىلىك داعدىلارىن جاقسارتتى.
كەشكى ۋاقىتتاردا بالالار سپورتتىق ويىندارعا, شىعارماشىلىق ۇيىرمەلەرگە, فاكۋلتاتيۆتەر مەن ۆيكتورينالارعا قاتىستى. بەلسەندى وقۋشىلار سىيلىقتارعا يە بولدى. بالالار وقىدى, وينادى, سۋرەت سالدى, مونشاق توقۋ ونەرىن مەڭگەردى. ەڭ باستىسى جاڭا دوستار تاپتى.
– كوشباسشىلىقتىڭ مۇنداي مەكتەپتەرى ايتۆ جۇقتىرعان جاسوسپىرىمدەر ءۇشىن وتە ماڭىزدى. اتاپ ايتقاندا, وسىندا ايتۆ-ينفەكتسياسىنا بايلانىستى قورقىنىشتار مەن ۋايىمدارىمىز تۋرالى اشىق ايتا الامىز. ارقايسىسى ءبىر بىرىنە قولداۋ كورسەتۋگە ىقىلاستى. كەيدە داۋلاسساق تا, ءوزىمىزدى تولعاندىرىپ جۇرگەن ماسەلەلەرگە جاۋاپتار الامىز. سودان كەيىن ارينە, دەمالىستى جاقسى وتكىزەمىز, – دەيدى ءوزىنىڭ وڭ ايتۆ-احۋالىن قازاقستاندا ءبىرىنشى بولىپ اشىق جاريالاعان ءجاسوسپىرىم باۋىرجان بايدۋللاەۆ.
ەندى ەلىمىزدەگى ايتۆ جۇققان جاسوسپىرىمدەرگە ارنالعان كوشباسشىلىقتىڭ كوكتەمگى مەكتەبى جىل سايىن وتەدى.
ايناش ەسالي,
«Egemen Qazaqstan»
الماتى