ەلباسى نۇرسۇلتان نازارباەۆ قازاقستان جاستارىن جاستىق شاقتارىن بوسقا وتكىزبەۋگە شاقىردى. بۇل بەينەجازبانى پرەزيدەنتتىڭ تەلە-راديوكەشەنى جاريالادى.
مەملەكەت باسشىسى ادامدار ءوزىنىڭ ومىرلىك مول تاجىريبەسىن ەسكەرە وتىرىپ, ءوسىپ كەلە جاتقان جاس بۋىنعا كەڭەس بەردى. ەلباسىنىڭ ايتۋىنشا, قازاقستاننىڭ جاستارى ءۇشىن بارلىق «ەسىك تە, جول دا» اشىق. جاستار بۇكىل الەمدەگى قاتارلاستارىمەن ارالاسىپ, ءبىلىم الۋدا, قالاعان جەرىندە ءومىر سۇرۋدە.
«سوندىقتان جاستار جاستىق شاقتارىندا ەڭ الدىمەن ىرگەلى بازالىق ءبىلىم الۋعا ۇمتىلۋى ءتيىس. جاستىق پەن مۇمكىنشىلىكتەردى قايداعى جوق ءتۇرلى كوڭىل كوتەرۋگە جۇمساماعانى ءجون, ولار سودان كەيىن دە كەلەدى. ەڭ الدىمەن, ولار ءبىلىمدى ادام بولۋى ءتيىس. ويتكەنى, جاھاندىق باسەكەلەستىك ەلدەردىڭ عانا ەمەس, ادامداردىڭ اراسىندا دا ءجۇرىپ جاتىر. ادامدار اراسىنداعى باسەكەلەستىكتە كىم ءبىلىمدى بولسا, سول جەڭىسكە جەتەدى» دەدى نۇرسۇلتان نازارباەۆ.
سونىمەن قاتار پرەزيدەنت جاستار وقۋدان كەيىن قايدا جۇمىسقا ورنالاسسا دا, كەز كەلگەن جۇمىستا ءوزىن جاقسى جاعىنان كورسەتە الۋى تيىستىگىن باسا ايتادى.