شاڭعىمەن جارىسۋدان يتاليانىڭ كوگنە قالاسىندا وتكەن الەم كۋبوگى كەزەڭىندە الەكسەي پولتورانين جۇلدەگە سىنىق سۇيەم جەردەن توقتادى دەپ جازادى Olympic.kz.
15 شاقىرىمعا كلاسسيكالىق ادىسپەن جارىسۋدا قازاقستاندىق شاڭعىشى كوش باسىنداعى رەسەيلىك الەكساندر بولشۋنوۆتان 1:00.8 مينۋتقا قالىپ قويدى.
كۇمىس جۇلدەنى فينليانديالىق يۆو نيسكانەن يەلەنسە, قولا جۇلدە تاعى ءبىر رەسەيلىك سپورتشى الەكساندر بەسسمەرتنىحقا بۇيىردى.
الەكسەي پولتورانين 19 اقپان كۇنى اۆستريانىڭ زەەفەلد قالاسىندا باستالاتىن الەم چەمپيوناتىنا دايىندىق ۇستىندە. بۇل قازاقستاندىق شاڭعىشىنىڭ ماۋسىمداڭى ەڭ باستى باسەكەسى بولماق.
الەم چەمپيوناتىنا قازاقستان كومانداسى ساپىنان 12 سپورتشى قاتىسادى.