«رۋحاني جاڭعىرۋ» باعدارلاماسى اياسىندا الماتى قالاسى تەحنيكالىق جانە كاسىپتىك ءبىلىم بەرۋ وقۋ ورىندارى جانىنداعى بيزنەس كلۋبتارىنىڭ جۇمىستارىن ۇيىمداستىرۋ بويىنشا وزەكتى ماسەلەلەردى تالقىلاۋ ماقساتىندا حالىقارالىق بيزنەس اكادەمياسى كوللەدجى مەن ALMA University ماماندارىنىڭ ۇيىمداستىرۋىمەن كوللەدجدەر جانە مەكتەپتەردىڭ باسشىلارىنا ارنالعان دوڭگەلەك ۇستەل ءوتتى.
ستۋدەنتتەر اراسىندا كاسىپكەرلىكتى دامىتۋدى ماقسات ەتىپ وتىرعان شارا اياسىندا حالىقارالىق بيزنەس اكادەمياسى كوللەدجىنىڭ ديرەكتورى الفيا حيسماتۋللينا كاسىپكەرلىك جانە بيزنەس بويىنشا ۇيلەستىرۋ ورتالىعىنىڭ جۇمىسىمەن تانىستىرىپ ءوتتى. الفيا انۋارقىزىنىڭ ايتۋىنشا, بيزنەس-كلۋبتاردى قۇرۋدىڭ ماقساتى ستۋدەنتتىك ورتادا كاسىپكەرلىكتى دامىتۋعا قولايلى جاعداي جاساۋ, بيزنەس جوسپارلاۋ سالاسىنىڭ الىپپەسى مەن تاجىريبەسىن قاتار مەڭگەرۋ, تۇلعا بولىپ قالىپتاسۋ, بيزنەس كلۋبتار مۇشەلەرىنىڭ جوسپارلارىن قۇرۋعا جانە دامىتۋعا كومەكتەسۋ, جاستار اراسىندا بەلسەندى ومىرلىك ۇستانىمىن, الەۋمەتتىك-جاۋاپتى مىنەز-ق ۇلىق داعدىلارىن قالىپتاستىرۋ, سالاۋاتتى ءومىر قۇندىلىقتارىن ناسيحاتتاۋ بولىپ تابىلادى.
الماتى قالاسى ءبىلىم باسقارماسى تەحنيكالىق جانە كاسىپتىك ءبىلىم بەرۋ ءبولىمىنىڭ جەتەكشىسى اسەت مۇحانبەتوۆ ستۋدەنتتەردىڭ كاسىپكەرلىككە يكەمدەلۋى وقۋ ورنى قابىرعاسىنان باستالاتىندىعىن جەتكىزدى. قازىردەن باعىت-باعدارىن ايقىنداپ ۇيرەنگەن جاستار ەرتەڭگى كۇنى ۇلكەن بيزنەستىڭ دەڭگەيىنە شىعادى.
ال الماتى قالاسى بويىنشا «اتامەكەن» ۇكپ ءبولىم باسشىسى ۆەرا تسزين «كاسىپكەرلەردىڭ جاڭا بۋىنىن بۇگىنگى قازاقستان نارىعىنا لايىقتى ماماندار ەتىپ تاربيەلەۋمىز قاجەت. سوندىقتان دا ستۋدەنتتەردىڭ كاسىپكەرلىك ءبىلىمىن جىلدان-جىلعا ارتتىرا بەرۋگە ءتيىسپىز» دەپ اتاپ ءوتتى.
الماتى قالاسى «رۋحاني جاڭعارۋ» جوبالىق ءوفيسىنىڭ جۇمىستارى بارىسىمەن تانىستىرعان ا.ساحوۆا, ل.جانۇزاقوۆا وقۋ ورىندارىمەن بىرلەسكەن جۇمىس جوسپارلارىنان حاباردار ەتتى.
ارنايى ءپان بويىنشا, ياعني كاسىپكەرلىككە باۋليتىن ۇستاز ناتاليا ۆوستريكوۆا ءوز تاجىريبەسىمەن ءبولىسىپ, كاسىپكەرلىكتى وقىتۋداعى بىرقاتار ماڭىزدى ادىستەردى ورتاعا سالدى. وقۋ-تاجىريبە بارىسىندا ستۋدەنتتەردى سالاعا بەيىمدەۋدىڭ وزىندىك ەرەكشەلىكتەرى بار ەكەندىگىن جەتكىزدى.
حالىقارالىق بيزنەس اكادەمياسى كوللەدجى كاسىپكەرلىك جانە بيزنەس مەكتەبىنىڭ جەتەكشىسى ءسابيت تاسجارعانوۆ جەكە كاسىپ قۇرۋداعى ماقسات-مىندەتتەردى جۇزەگە اسىرۋ, كاسىپكەرلىكتى دۇرىس جوسپارلاۋ, ونى جۇزەگە اسىرۋداعى ماڭىزدى شارتتارعا بايلانىستى شەبەرلىك ساعاتىن وتكىزىپ, مەكتەپتىڭ الداعى جوسپارلارىمەن ءبولىستى.
اعىمداعى جىلدىڭ 21-23 قاراشا كۇندەرى اتالعان كوللەدجدە «مەن -كاسىپكەرمىن» ءVىىى قالالىق ەكونوميكا ويىندارى وتەدى. وعان الماتى قالاسىنداعى كاسىپتىك ءبىلىم بەرۋ سالاسىنداعى بارلىق وقۋ ورىندارىنىڭ ستۋدەنتتەرى قاتىسا الادى.
ەلۆيرا سەرىكقىزى,
«ەگەمەن قازاقستان»
الماتى