تالدىقورعانداعى ء ى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىندە ەۋروپا وداعى مەن ورتالىق ازيا جوعارى وقۋ ورىندارى وكىلدەرىنىڭ قاتىسۋىمەن رەكتورلارى فورۋمى ءوتىپ جاتىر. «بولاشاقتىڭ ۋنيۆەرسيتەتى: تسيفرلاندىرۋ جانە اكادەميالىق داستۇرلەر» اتتى تاقىرىپپەن باستالعان شارانىڭ العاشقى كۇنىندە «تسيفرلى قازاقستان» باعدارلاماسىنىڭ ءبىلىم سالاسىندا جۇزەگە اسۋىنا قاتىستى جەتىستىكتەر تانىستىرىلىپ, ماسەلەلەر ورتاعا سالىنباقشى.
قازىر ەلىمىزدە ەۋروپا وداعى مەن ورتالىق ازيا مەملەكەتتەرى جوعارى وقۋ ورىندارىنىڭ ء بىلىم بەرۋ ءۇردىسىن تسيفرلى جۇيەگە كوشىرۋ بويىنشا تاجىريبە الماسۋ جۇمىستارى قىزۋ ءجۇرىپ جاتىر. فورۋمدا ەۋروپالىق ۋنيۆەرسيتەتتەردىڭ ساندىق جۇيەگە كوشۋى جانە ينتەرناتسيونالانۋى, عىلىم سالاسىنداعى جاپپاي بايلانىس جۇيەلەرىنىڭ جاڭا رەفورمالارى, حالىقارالىق ىنتىماقتاستىقتى دامىتۋدىڭ جاڭا جولدارى تالقىعا سالىنۋدا. جانە وسى شارا اياسىندا حالىقارالىق بايلانىستى نىعايتۋ, بىرلەسكەن ءبىلىم باعدارلامالارىن قۇرۋ, عىلىمي-زەرتتەۋ جۇمىستارىن جۇرگىزۋ جانە وزىق تاجىريبەلەردى تاراتۋ بويىنشا دا پىكىر الماسۋ وتپەكشى.
فورۋمنىڭ ەكىنشى كۇنىندە ال فورۋمنىڭ ەكىنشى كۇنى «رۋحاني جاڭعىرۋ – قازاقستاننىڭ سەرپىندى دامۋىنىڭ نەگىزى» اتتى تاقىرىپپەن جالعاسىپ, عىلىمي-تاجىريبەلىك كونفەرەنتسياعا ۇلاسادى. مۇندا رەكتورلار «رۋحاني جاڭعىرۋ» كونتەكسىندە رۋحاني قۇندىلىقتاردى مودەرنيزاتسيالاۋ», «وڭىردە «رۋحاني جاڭعىرۋ» باعدارلاماسىن جۇزەگە اسىرۋ جاعدايى» جانە تاعى باسقا دا تاقىرىپتار بويىنشا باياندامالار وقىماقشى.
فورۋمعا ەستونيا, لاتۆيا, پولشا, ۆەنگريا, رەسەي فەدەراتسياسى, وزبەكستان جانە قىرعىزستان جوعارى وقۋ ورىندارىنان جيىرماعا جۋىق رەكتورلار مەن پرورەكتورلارى, سونداي-اق وتاندىق ۋنيۆەرسيتەتتەر باسشىلارى مەن عالىمدار قاتىسۋدا.
قالماحانبەت مۇقامەتقالي,
«ەگەمەن قازاقستان»
الماتى وبلىسى