قىزىلوردا قالاسىندا جاڭا يننوۆاتسيالىق جاڭالىقتارعا نەگىزدەلگەن «اقىلدى قالا» جوباسى ىسكە اسىرىلا باستادى.
وبلىس ورتالىعىنداعى كوپقاباتتى تۇرعىن ۇيلەرگە ارنالعان «وV Orda» بۇلتتى بەينەباقىلاۋى ارقىلى قازاقتەلەكوم اق-نىڭ قارجىسى ەسەبىنەن قالاداعى تۇرعىن ۇيلەرگە ۆيدەودوموفوندار ورناتىلىپ جاتىر. مۇندا تۇرعىندار ءۇشىن ءموبيلدى قوسىمشالارى جاسالىپ, ءبىر اپتالىق بەينەجازبالارى مۇراعاتتا ساقتالاتىن بولادى. ابونەنتتىك تولەم ءار پاتەرگە 300-500 تەڭگە كولەمىندە بولادى.
العاشقى بولىپ استانا مولتەك اۋدانىنداعى ەكى كوپقاباتتى تۇرعىن ءۇي قوسىلعان. ەكىنشى كەزەڭ بويىنشا سىرداريا, سپمك-70, اراي-2, سۇلتان بەيبارىس, مەرەي مولتەك اۋداندارىنداعى 91 كوپقاباتتى تۇرعىن ءۇي قوسىلاتىن بولادى. سونداي-اق ءۇشىنشى كەزەڭدە جىل اياعىنا دەيىن تاعى 50 كوپقاباتتى تۇرعىن ءۇيدى قوسۋ جوسپارلانىپ وتىر.
باقتيار تايجان,
«ەگەمەن قازاقستان»
قىزىلوردا وبلىسى