ەۋروپا ليگاسى: ەلوردادا «استانا»- «يابلونەتس» ماتچى وتەدى

ماتچ 8 قاراشادا «استانا ارەنا» ستاديونىندا وتەدى. باستالۋى ساعات 21:50-دە.

كوماندامىز بۇگىن «يابلونەتسپەن» كەزدەسسە, 29 قاراشادا ءوز الاڭىندا كيەۆتىڭ «دينامو» (ۋكراينا) كلۋبىن قابىلدايدى. ال 13 جەلتوقسان كۇنى سىرت الاڭدا فرانتسيانىڭ «رەنن» كلۋبىمەن شەبەرلىك بايقاسادى. ءدال قازىر ءتورت كوماندانىڭ دا جارىستى جالعاستىرۋ مۇمكىندىگى بار.

راس, «استانا» مەن «دينامونىڭ» جاعدايى تاۋىرلەۋ, ولاردىڭ ەنشىسىندە بەس-بەس ۇپايدان جازىلعان. ال «رەنندە» 3, «يابلونەتستە» 2 ۇپاي بار. ەندەشە, قاي كوماندانى دا الدا تارتىستى ويىندار كۇتىپ تۇر دەۋگە نەگىز بار.

بۇگىنگى كۇنگە دەيىن «استانا» سىرت الاڭدا «دينامومەن» 2:2 ەسەبىمەن تەڭ تۇسسە, ودان كەيىن ءوز الاڭىندا «رەندى» 2:0 ەسەبىمەن تىزە بۇكتىردى. ودان كەيىن سىرت الاڭدا بۇگىنگى قارسىلاسى - «يابلونەتسپەن» 1:1 ەسەبىمەن تەڭ ءتۇستى. 

ايتا كەتەيىك, ويىن 14 مەملەكەت پەن 3 قۇرلىقتا كورسەتىلەدى.