سوڭعى كەزدەرى جاقسى ناتيجە كورسەتىپ جۇرگەن ەرلەر اراسىنداعى قازاقستاننىڭ ءبىرىنشى راكەتكاسى ميحايل كۋكۋشكين تەننيشىلەردىڭ جاڭارتىلعان الەمدىك رەيتينگىندە تاعى ءبىر ساتىعا جوعارلاپ, بۇل كۇندەرى ول 51 ساتىعا جايعاستى.
وكىنىشكە قاراي, وزگە جەرلەستەرىمىزدىڭ قارقىنى تىم باياۋ. ماسەلەن, ەلىمىزدىڭ «توپ-5» تەننيسشىسىنە توقتالاتىن بولساق, اتر تىزىمىندە ولار مىناداي ورىندارعا تابان تىرەپ تۇر: الەكساندر نەدوۆەسوۆ – 214, الەكساندر بۋبليك – 253, دەنيس ەۆسەەۆ – 303 جانە دميتري پوپكو – 551.
«توپ-10» (ەرلەر): 1. نوۆاك دجوكوۆيچ (سەربيا), 2. رافاەل نادال (يسپانيا), 3. رودجەر فەدەرەر (شۆەيتساريا), 4. حۋان مارتين دەل پوترو (ارگەنتينا), 5. الەكساندر زۆەرەۆ (گەرمانيا), 6. كەۆين اندەرسون (وار), 7. مارين چيليچ (حورۆاتيا), 8. دومەنيك تيم (اۆستريا), 9. كەي نيسيكوري (جاپونيا) جانە 10. دجون يزنەر (اقش).
ايەلدەر اراسىنداعى «توپ-100» تەننيسشىنىڭ قاتارىندا قوس جەرلەسىمىز عانا بار. ولار – يۋليا پۋتينتسەۆا مەن زارينا دياس بار. قازىرگى كەزدە WTA تىزىمىندە يۋليا 45 ورىندى يەلەنسە, زارينا 91 ساتىعا تابان تىرەدى. ال وزگە مىقتىلارىمىز مىناداي ورىندارعا جايعاستى: ەلەنا رىباكينا – 191, اننا دانيلينا – 373 جانە گوزال اينيتدينوۆا – 512.
«توپ-10» (ايەلدەر): 1. سيمونا حالەپ (رۋمىنيا), 2. انجەليكا كەربەر (گەرمانيا), 3. كارولين ۆوزنياتسكي (دانيا), 4. ەلينا سۆيتولينا (ۋكراينا), 5. ناومي وساكا (جاپونيا), 6. سلوان ستيۆەنس (اقش), 7. پەترا كۆيتوۆا (چەحيا), 8. كارولينا پليشكوۆا (چەحيا), 9. كيكي بەرتەنس (گوللانديا) جانە 10. داريا كاساتكينا (رەسەي).
عالىم سۇلەيمەن,
«ەگەمەن قازاقستان»