2011-2020 جىلدارعا ارنالعان تەرموجاڭعىرتۋ باعدارلاماسى ىسكە قوسىلعالى بەرى اتىراۋ قالاسىندا 110 كوپ قاباتتى تۇرعىن ءۇي جوندەۋدەن ءوتتى, دەپ xابارلايدى اتىراۋ قالاسى اكىمدىگىنىڭ ءباسپاسوز قىزمەتى.
بۇل تۋرالى بۇگىن اتىراۋ قالاسىنىڭ اكىمى اليمۇحاممەد قۇتتۇمۇرات ۇلىنىڭ قاتىسۋىمەن وتكەن اپپارات جينالىسى بارىسىندا بەلگىلى بولدى.
«تۇرعىن ۇيلەرگە كوممۋنالدىق قىزمەت كورسەتۋ» جشس ديرەكتورى زۇلقاعيدا ناۋبەكوۆتىڭ ايتۋىنشا, تەرموجاڭعىرتۋ مەملەكەتتىك باعدارلاماسى بويىنشا قالاداعى 8 ۇيگە كۇردەلى جوندەۋ جۇرگىزىلگەن. تۇرعىن ۇيلەردى قالپىنا كەلتىرۋگە كەرەك قاراجات جەرگىلىكتى بيۋدجەتتەن ءبولىندى.
- قازىر قايتارىلعان قاراجات ەسەبىنەن ءتورت ۇيگە كۇردەلى جوندەۋ جۇرۋدە, ولار – سمپ 136 -داعى № 1,2, 6 ۇيلەر جانە ۆوكزال ماڭى 3ا ىقشام اۋدانىنداعى 19 ا ءۇي,- دەيدى زۇلقاعيدا ناۋبەكوۆ.
سونىمەن قاتار, قالالىق ءماسليحاتتىڭ سوڭعى سەسسياسىندا قابىلدانعان شەشىمگە سايكەس جەرگىلىكتى بيۋدجەتتەن بولىنگەن قوسىمشا قاراجاتقا تاعى 3 ءۇي جوندەلەدى: عۇماروۆ كوشەسىندەگى 88 ءۇي, اۆانگارد 3 ىقشام اۋدانىنداعى №6 ءۇي, قوجاقاەۆ كوشەسىندەگى 29 ءۇي.
- كەلەسى جىلدىڭ ءتىزىمى جاسالدى, وعان 40 ءۇي كىردى. 20 ءۇيدى قايتا جاڭعىرتۋعا جسق جاساقتالىپ, مەملەكەتتىك ساراپتامادان وتۋدە. ولاردى كۇردەلى جوندەۋ
2020 جىلى اياقتالادى دەپ جوسپارلانىپ وتىر, تۇرعىن ۇيلەردى تەرموجاڭعىرتۋ مەملەكەتتىك باعدارلاماسىنىڭ جۇزەگە اسىرىلۋ ۋاقىتى دا سول كەزدە بىتەدى,- دەيدى زۇلقاعيدا ناۋبەكوۆ.
قالا اكىمى اليمۇحاممەد كۇتتۇمۇرات ۇلى تەرموجاڭعىرتۋ باعدارلاماسى شەڭبەرىندەگى جۇمىستارعا جاۋاپتى ورگاندارعا جۇمىستاردى ۋاقىتىندا جانە ساپالى ورىنداۋعا تاپسىرما بەردى. 2011-2020 جىلدارعا ارنالعان تەرموجاڭعىرتۋ مەملەكەتتىك باعدارلاماسى اياسىندا اتىراۋدا 110 كوپ قاباتتى ءۇي جوندەۋدەن ءوتتى.