ۇكىمەتتە كولىك پەن لوگيستيكانى تسيفرلاندىرۋ ماسەلەسى قارالدى

ينۆەستيتسيالار جانە دامۋ ءمينيسترى ج. قاسىمبەك بايانداعانداي, قازىرگى كەزدە 3 ۋچاسكەدە تولەماقى الۋ جۇيەسى تەستىلىك قولدانىلۋدا: الماتى – قاپشاعاي, الماتى – قورعاس, استانا – تەمىرتاۋ.

«2019 جىلدىڭ قاڭتارىندا شىمكەنت – اقتوبە – مارتۋك, شىمكەنت – تاراز – قاينار جانە استانا – پاۆلودار ۋچاسكەلەرىندە تولەماقى جۇيەسىن ورناتۋعا كونكۋرس جاريالاناتىن بولادى. جالپى 2020 جىلى ۇزىندىعى 6,5 مىڭ شاقىرىم بولاتىن 17 ۋچاسكە تولەماقى الۋ جۇيەسىمەن قامتىلادى», — دەدى  ج. كاسىمبەك.

سونىمەن قاتار استانا – ششۋچينسك ۋچاسكەسىندە RFID تاڭبالاردى پايدالانۋمەن ايالداۋسىز ءجۇرۋ جۇيەسى ىسكە قوسىلعان, PayWay.kz, ينتەرنەت-بانكينگ, QIWI ء–اميان قولما-قوول اقشاسىز تولەماقى تولەۋ سەرۆيسى ىسكە اسىرىلعان. جۇرگىزۋشىلەردىڭ اۋار رايى, جىلدامدىق رەجىمى ت.ب. تۋرالى حاباردار ەتۋ ماقساتىندا بۇل ۋچاسكە اۋا رايى داتچيكتەرىمەن جانە اقپاراتتىق تابلومەن جاراقتالعان.

سونىمەن قاتار جول بويى سەرۆيسىن تسيفرلاندىرۋ ءۇشىن «KazWay» ءموبيلدى قوسىمشاسى ىسكە قوسىلعان جانە جول بويى سەرۆيسىنىڭ بارلىق نىساندارى بويىنشا وزەكتى مالىمەتتەردى قامتيتىن IRU حالىقارالىق اۆتوموبيل كولىگى وداعىنىڭ «Transpark» ەلەكتروندى كارتاسىنا دەرەكتەر ەنگىزىلگەن. جول اكتيۆتەرىن باسقارۋ جۇيەسىن 16 جول زەرتحاناسى ارقىلى الىنعان اۆتوموبيل جولدارىنىڭ جاي-كۇيى تۋرالى دەرەكتەرمەن تولىقتىرۋ جۇمىستارى دا جالعاسىپ جاتىر.

«جەلتوقساندا اقپاراتتىق قاۋىپسىزدىگىنە اتتەستاتتاۋدى اياقتاۋدى كوزدەپ وتىرمىز. جالپى, جۇيە اۆتوجولداردى جوندەۋگە كەتەتىن شىعىنداردى ۇنەمدەۋگە مۇمكىندىك بەرەدى, 2025 جىلعا قاراي 110 ملرد تەڭگە كولەمىندەگى ەكونوميكالىق تيىمدىلىكتى كۇتىپ وتىرمىز», — دەدى ينۆەستيتسيالار جانە دامۋ ءمينيسترى. 

بۇدان وزگە, كولىك باقىلاۋىن اۆتوماتتاندىرۋ ءۇشىن ارنايى اۆتوماتتاندىرىلعان ولشەۋ قۇرالدارىن ەنگىزۋ جالعاسىپ جاتىر, ول شەكتى سالماق پارامەترلەرىنىڭ بۇزۋشىلىقتارى سانىن ازايتۋعا مۇمكىندىك بەرەدى جانە اۆتوموبيل جولدارىنىڭ ساقتالۋىن قامتاماسىز ەتۋدە وڭ ەكەنىن بايقاتادى. 

«جىل باسىنان بەرى 700-دەن استام بۇزۋشىلىقتار انىقتالىپ, 85 ملن تەڭگە كولەمىندە الىمدار مەن ايىپپۇلدار تۇرىندەگى تولەمدەر الىندى. بيىلعى جىلدىڭ سوڭىنا دەيىن تاعى 12 جۇيەنى ىسكە قوسۋ كوزدەلگەن. 2020 جىلعا قاراي ولاردىڭ جالپى سانىن 46-عا دەيىن جەتكىزۋ جوسپارلانعان. وسىلايشا, كولىك قۇرالدارىن ولشەۋ راسىمدەرىن اۆتوماتتاندىرۋ كولىك باقىلاۋنى جۇرگىزگەن كەزدە ادام فاكتورىن بولدىرماۋعا مۇمكىندىك بەرەدى», — دەدى  ج. قاسىمبەك.

كولىك باقىلاۋىن تولىق اۆتوماتتاندىرۋ ءۇشىن كەلەسى جىلدىڭ شىلدە ايىنان باستاپ اۋىر سالماقتى جانە ءىرى كولەمدى كولىك قۇرالدارىنىڭ جۇرۋىنە ارنايى رۇقسات بەرۋ 3–7 كۇننىڭ ورنىنا اۆتوماتتاندىرىلعان رەجيمدە 15 مينۋت ىشىندە بەرىلەتىن بولادى.

اۆتوموبيل كولىگىمەن جولاۋشىلار تاسىمالى سالاسىندا پيلوتتىق رەجىمدە وبلىسارالىق جانە حالىقارالىق جولاۋشىلار تاسىمالىن ديسپەتچەرلەۋ جۇيەسى ىسكە قوسىلعان. 2019 جىلدىڭ سوڭىنا دەيىن 416  باعىت بويىنشا وبلىسارالىق جانە حالىقارالىق جولاۋشىلار تاسىمالىنداعى 2 مىڭنان استام اۆتوبۋس تارتىلىپ,  پايدالانۋعا بەرىلەدى.

«Smart City» اياسىندا كولىك سالاسىندا وبلىستىق جانە رەسپۋبليكالىىق ماڭىزى بار قالالاردا جولاقىنى ەلەكتروندى تولەۋ جانە قوعامدىق كولىك مونيتورينگى ىسكە اسىرىلىپ جاتىر. بۇگىندە بۇل جۇيەلەر استانا جانە الماتى قالالارىندا تولىق ىسكە قوسىلعان. قالعان قالالار بويىنشا 2018–2021 جىلدار ارالىعىندا ىسكە اسىرۋ مەرزىمىمەن ءتيىستى جول كارتالارى بەكىتىلگەن.

اۋە تاسىمالى سالاسىندا بيىل 14 ماۋسىمدا جەكە ينۆەستورمەن «E-freight» قاعازسىز قۇجاتتار اينالىمى اقپاراتتىق جۇيەسىن ەنگىزۋگە ءمجا كەلىسىمى جاسالعان. بۇل جۇك وڭدەۋ ۋاقىتىن ازايتۋعا, شىعىنداردى وڭتايلاندىرۋعا, قاعاز تۇرىندەگى 20 قۇجاتتىڭ ەلەكتروندى تۇردە ۇسىنىلۋىنا مۇمكىندىك بەرەدى. بيىلعى جەلتوقسان ايىندا جۇيە ىسكە قوسىلادى.

تەمىرجول كولىگى سالاسىندا «قازاقستان تەمىر جولى» اق 2018–2022 جىلدارعا ارنالعان «تسيفرلىق تەمىرجول» باعدارلاماسىن قابىلدادى. باعدارلاما اياسىندا نەگىزگى 4 باعىت بويىنشا 21 جوبانى ىسكە اسىرۋ جوسپارلانعان.

«قازاقستان تەمىر جولى» ۇك» اق باسقارما توراعاسى ق. الپىسباەۆ ءوز كەزەگىندە تسيفرلاندىرۋ كومپانيانىڭ بارلىق باستى باعىتتارىن: تەمىرجول ينفراقۇرىلىمىن, جۇك, ءمۋلتيمودالدى جانە جولاۋشىلار تاسىمالىن قامتيتىنىن ايتتى.

تەمىرجول ينفراقۇرىلىمىن دامىتۋ اياسىندا كومپانيا ينفراقۇرىلىمنىڭ ناقتى جاي-كۇيىنە قاراي قىزمەت كورسەتۋ جانە جوندەۋ جۇرگىزۋگە كوشۋ مىندەتىن قويادى. «تسيفرلىق قازاقستان» مەملەكەتتىك باعدارلاماسىنا ەنگەن «ماگيسترال» اۆتوماتتاندىرىلعان باسقارۋ جۇيەسى» جوباسىن ىسكە اسىرۋ بەكىتىلگەن جوسپارعا سايكەس جۇرگىزىلىپ جاتىر.

«جوبا التى ءموبيلدى-دياگنوستيكالىق كەشەندى پايدالانۋدى قاراستىرادى, ونىڭ ۇشەۋى 2018 جىلدىڭ جەلتوقسان ايىندا جۇمىس ىستەي باستايدى. تولىق كولەمدە جۇيە 2019 جىلدىڭ ورتاسىنان باستاپ جۇمىس ىستەي باستايدى. جوبانى ەنگىزۋ ناتيجەسىندە بۇكىل ماگيسترالدىق جەلى دياگنوستيكاسى 180 كۇننىڭ ورنىنا 15 كۇندە جۇرگىزىلەتىن بولادى, 240 دەفەكتوسكوپ وڭتايلاندىرىلادى, لوكوموتيۆتى كۇشكە جانە ۆاگون بولىگىن ۇستاۋعا جۇمسالاتىن شىعىندار ەكى ەسە ازايادى», — دەدى ق. الپىسپاەۆ.

ونىڭ ايتۋىنشا, جۇك تاسىمالى سالاسىندا كليەنتكە باعدارلانۋدى ارتتىرۋ ماقساتىندا ەلەكتروندى وقىتۋ بويىنشا وزەكتى مىندەتتەر قويىلىپ وتىر. ونەركاسىپتىك رەجىمدە جۇيەگە بارلىق 456 جۇك ستانتسياسى قوسىلعان. جۇيەنى ەنگىزۋ رەسپۋبليكالىق جول قاتىناسىندا تاسىمالداۋدى جىبەرۋگە كەتەتىن ۋاقىتتى 11 ساعاتتان 5 مينۋتقا دەيىن, ەكسپورتتىق جول قاتىناسىندا 35 ساعاتتان 1 ساعاتقا دەيىن قىسقارتۋعا مۇمكىندىك بەردى. بۇگىندە رەسەيمەن, قىتايمەن, ازەربايجانمەن, قىرعىزستانمەن ەلەكتروندى الماسۋ ىسكە اسىرىلۋدا.

ءمۋلتيمودالدى تاسىمال جۇيەسىن تسيفرلاندىرۋ ترانزيتتىك كونتەينەرلىك تاسىمالدار ءوسىم ماسەلەسىن شەشۋگە باعىتتالعان. تاپسىرىستاردى وڭدەۋ ۋاقىتىن ازايتۋ جانە جەتكىزۋ تىزبەگىن وڭتايلى باسقارۋ ماقستىندا جوبانىڭ ءبىرىنشى كەزەڭى جۇزەگە اسىرىلعان.

«جولاۋشىلار تاسىمالى سالاسىندا قىزمەتتىڭ كليەنتتەرگە باعدارلانۋىنا باسىم كوڭىل بولىنگەن. ەلەكتروندى بيلەتتەندىرۋ تەحنولوگياسى اياسىندا جولاۋشىلارعا بيلەتتەردى ۆەب-سايتتار ارقىلى ساتىپ الۋ مۇمكىندىكتەرى ۇسىنىلعان. بيىلعى جىلدىڭ 9 ايىنىڭ ىشىندە 17 ملن استام بيلەت راسىمدەلگەن, ونىڭ ىشىندە 11 ملن استامى – ەلەكتروندى بيلەتتەر», — دەدى ق. الپىسباەۆ.