الماتى وبلىسىندا وتكەن 8 اي ىشىندە تۇرعىن ءۇي سالۋ جۇمىستارى قارقىن الىپ, باسپانامەن قامتۋدى باعىتىندا ەلەۋلى ءىس اتقارىلعان.
ناقتى ايتقاندا, ايماقتا قۇرىلىس-مونتاج جۇمىستارى 1,3 % ۇلعايىپ, 454 مىڭ شارشى مەتر تۇرعىن ءۇي پايدالانۋعا بەرىلدى. سونداي-اق, 7-20-25 باعدارلاماسى بويىنشا جىلدىڭ سوڭىنا دەيىن 589 پاتەرلى 17 ءۇيدى ىسكە قوسۋ كوزدەلىپ وتىر. ونىڭ ىشىندە قاراساي اۋدانىندا 3 ءۇي سالۋ جوسپارلانعان بولسا, قازىر ونىڭ بىرەۋى پايدالانۋعا بەرىلگەن. ال تالعار اۋدانىندا جوسپارلانعان 9 كوپ پاتەرلى ءۇي, تالدىقورعان قالاسىنداعى 3 كوپ پاتەرلى ءۇي, جانە قاپشاعاي قالاسىندا 2 ءۇي بەرىلىپ قولدانىسقا جىبەرىلدى.
جالپى بيىل وبلىستا 706,6 مىڭ شارشى مەتر تۇرعىن ءۇي سالۋ جوسپارلانعان بولسا, ونىڭ 76,9 مىڭ شارشى مەترى «نۇرلى جول» باعدارلاماسى بويىنشا ىسكە قوسىلماق. بۇل ماقساتقا قازىنادان 12,6 ملرد. تەڭگە بولىنگەن. جانە دە ينجەنەرلىك-كوممۋنيكاتسيالىق ينفراقۇرىلىم قۇرىلىسى بويىنشا جالپى سوماسى 6,9 ملرد. تەڭگەگە 47 جوبا جۇزەگە اسىرىلىپ جاتىر.
قالماحانبەت مۇقامەتقالي,
«ەگەمەن قازاقستان»
الماتى وبلىسى