امەريكا قۇراما شتاتتارىنىڭ لاس ۆەگاس قالاسىنداعى T-Mobile Arena-دا قازاقستاندىق بوكسشى گەننادي گولوۆكين (38-0-1, 34 كو) مەن مەكسيكالىق ساۋل الۆارەستىڭ (49-1-2, 34 كو) رەماتچى اياقتالدى.
سوڭعى راۋندتا گولوۆكيننىڭ سول جاقتان ۇرعان بىرنەشە سوققىسى قارسىلاسىنا ءدوپ ءتيدى. «كانەلونىڭ» اياعى تايىپ ءبىر جىعىلىپ تۇرعانىمەن بۇل نوكداۋن ەمەس ەدى. 12-ءشى راۋندتا ابدەن شارشاعان بوكسشىلاردىڭ ايقاسى وسىلايشا نوكاۋتسىز اياقتالدى. تورەشىلەردىڭ شەشىمىمەن تارتىستى جەكپە-جەكتە كانەلو جەڭىسكە جەتتى.
"ول تاماشا بوكسشى. الايدا بۇگىنگى كەشتە مەن باسىمدىعىمدى ايقىن كورسەتتىم" , دەدى الۆارەس
ەسكە سالا كەتسەك, وسىدان تۋرا ءبىر جىل بۇرىن قوس بوكسشى لاس-ۆەگاستا كەزدەسۋ وتكىزىپ, تورەشىلەردىڭ شەشىمىمەن تەڭ تۇسكەن بولاتىن.