باقىتجان ساعىنتاەۆ پاۆلودار وبلىستىق وقۋشىلار سارايىنا بارىپ, وڭىردە ءبىلىم بەرۋ سالاسىن تسيفرلاندىرۋ بارىسىمەن تانىستى.
تاقىرىپتىق كابينەتتەردى تەكسەرۋ بارىسىندا وقۋشىلار سارايىنىڭ ديرەكتورى ا. ەرۋباەۆا مەكەمەنىڭ جۇمىسى, ونى تەحنيكالىق جاراقتاندىرۋ جانە ات-سىنىپتاردىڭ مۇمكىندىكتەرى تۋرالى ايتىپ, ادامنىڭ بەلگىلى-ءبىر كاسىبي قىزمەتكە دەگەن يكەمدىلىگىن, جەكە تۇلعالىق قاسيەتتەرىن, دارىنىن, داعدىلارىن دياگنوستيكالاۋعا ارنالعان Touch table ينتەراكتيۆتى كاسىبي باعدارلانعان مودۋلىمەن تانىستىردى.
باقىتجان ساعىنتاەۆ بالالار تەحنوپاركىنىڭ جانە بيزنەس-ينكۋباتوردىڭ جۇمىسىن تەكسەردى. تاربيەلەنۋشىلەر روبوتتى تەحنيكا زەرتحاناسىندا ءارتۇرلى كۇردەلىلىك دەڭگەيىندەگى كەشەندەردى كورسەتىپ, ولاردىڭ قولدانىلۋى تۋرالى ايتىپ بەردى. ال ات-سىنىپتا ازىرلەنگەن جوبالار مەن باعدارلامالار كورسەتىلدى. سونداي-اق, وقۋشىلاردىڭ فوتو جوبالارىنىڭ قىسقا تانىستىرىلىمى ءوتتى. بۇعان قوسا, پرەمەر-مينيستر استرونوميالىق زەرتحانانىڭ عىلىمي-تەحنيكالىق جاراقتاندىرىلۋىمەن تانىستى.
سونداي-اق, وقۋشىلار سارايىندا 3D مودەلدەۋ زەرتحاناسى, ءموبيلدى قوسىمشالار مەن سايتتار جانە باسقا دا جوبالار ازىرلەنىپ, كاسىپكەرلىك نەگىزىنە ۇيرەتەتىن StartUp ستۋدياسى ورنالاسقان.
قازىرگى كەزدە مەكەمەدە 36 كابينەت جۇمىس ىستەيدى. ولاردىڭ ىشىندە مامانداندىرىلعان روبوتتى تەحنيكا, ينتەراكتيۆتى قۇرىلعىمەن جابدىقتالعان 9 سىنىپ, مۋلتيمەديالىق قۇرىلعىمەن جابدىقتالعان استرونوميالىق سىنىپ, دىبىس جازۋ ستۋدياسى, 5 ۆوكال ستۋدياسى, قازاق ۇلتتىق اسپاپتارى وركەسترى سىنىبى, «لۋچ» كينوستۋدياسى, استرونوميا زەرتحاناسى, ەكولوگيالىق زەرتحانا, فوتو ءتۇسىرۋ الاڭى بار. سونىمەن قاتار, روبوتكەشەنى زەرتحانالارى, استروزەرتحانا, 3D مودەلدەۋ, ستارتاپ-اكادەمياسى, اT-سىنىبى, 3 حورەوگرافيالىق زال, كىتاپحانا, مۋزەي, 400 ورىندىق ۇلكەن تەاتر زالى, 150 ادامعا ارنالعان كىشى ءدارىس زالى جۇمىس ىستەيدى. وبسەرۆاتوريا 2 كۇن, 3 پلانەتارلى تەلەسكوپپەن جابدىقتالعان. 2014 جىلى پلانەتاري تسيفرلىق كينوتەاترمەن تولىقتى.
2014–2017 جىلدارى 124 روبوتتى تەحنيكا, استرونوميا, جۋرناليستيكا, حورەوگرافيا, ۆوكال, ءساندى-قولدانبالى ونەردەن وتكەن حالىقارالىق جانە رەسپۋبليكالىق جارىستاردا وقۋشىلار سارايىنىڭ تاربيەلەنۋشىلەرى 478 جۇلدەلى ورىندى يەلەنگەن. 2017–2018 جىلدارى بالالار 51 ءتۇرلى جارىسقا قاتىسىپ, 215 جۇلدەنى ەنشىلەدى. ونىڭ ىشىندە 11 گران-پري, 89 رەت ءبىرىنشى ورىن, 54 – ەكىنشى, 56 – ءۇشىنشى ورىن جانە 5 كۋبوك بار.
وقۋشىلار سارايىندا مۇمكىندىگى شەكتەۋلى بالالار دا قالىس قالماعان, مۇندا 4-5 جاسار بالالارمەن جۇمىس ىستەيتىن ەكسپەريمەنتتىك توپتار بار.