باقىتجان ساعىنتاەۆ پاۆلودار وبلىسىنا جۇمىس ساپارى اياسىندا مەملەكەت باسشىسىنىڭ بيزنەس ورتانى تۇبەگەيلى جاقسارتۋ جانە كەڭەيتۋ جونىندەگى تاپسىرمالارىنىڭ ورىندالۋ بارىسىمەن تانىستى.
«اتامەكەن» كاسىپكەرلەر پالاتاسىنىڭ وڭىرلىك كەڭەسىنىڭ مۇشەلەرىمەن كەزدەسۋ بارىسىندا وبلىستا بيزنەستى دامىتۋ, ينۆەستيتسيالار تارتۋ جانە وتاندىق ونىمدەر مەن قىزمەتتەردىڭ ەكسپورتقا باعدارلانۋىن جەتىلدىرۋ ماسەلەلەرى تالقىلاندى.
«اتامەكەن» قر ۇكپ باسقارما توراعاسىنىڭ ورىنباسارى ە. جۇماعازيەۆ وڭىرلىك بيزنەستى دامىتۋ ماسەلەسى تۋرالى بايانداما جاسادى. جاپپاي كاسىپكەرلىكتى دامىتۋ جانە وڭىردەگى ەكسپورتقا باعدارلانعان تاۋار وندىرۋشىلەردى قولداۋ, سونداي-اق, ءوڭىردىڭ بيزنەستى دامىتۋ بويىنشا قولدا بار قورلارى, اتاپ ايتقاندا, يمپورتتى الماستىرۋ كەلەشەگى تۋرالى اقپارات بەرىلدى.
«اتامەكەن» ۇكپ وڭىرلىك كەڭەسىنىڭ اتىنان توراعا و. كرۋك ءسوز سويلەدى, ول ساۋدا قاتىناستارىن رەتتەۋدى جەتىلدىرۋ ماسەلەلەرىنە توقتالىپ ءوتتى.
كاسىپكەرلەر وزەكتى ماسەلەلەردى قوزعاپ, وڭىردە بيزنەس جۇرگىزۋگە توسقاۋىل بولاتىن اكىمشىلىك كەدەرگىلەردى ودان ءارى تومەندەتۋگە قاتىستى شارالار ۇسىندى. «Railways systems KZ» جشس باس ديرەكتورى ا. حاچاتۋريان قىزمەتتەر مەن تاۋارلار اقىسىن تولەۋ جۇيەسىن جەتىلدىرۋ ماسەلەلەرى تۋرالى ايتىپ بەردى. «Forwoll Group» كت ديرەكتورلار كەڭەسىنىڭ توراعاسى ۆ. ليتۋەۆ ارنايى ەكونوميكالىق ايماق اۋماعىندا سالىق رەجيمىن جەتىلدىرۋ تۋرالى ۇسىنىستارىن ءبىلدىردى. «قازەنەرگوكابەل» اق قۇرىلتايشىسى ۆ. بوبروۆ ونەركاسىپتىك كاسىپورىندارعا قولداۋ كورسەتۋ شارالارىن كەڭەيتۋ تۋرالى باياندادى. «گاليتسكوە» جشس اۋىل شارۋاشىلىعى كاسىپورنىنىڭ ديرەكتورى ا. كاسيتسىن ۆەتەرينارلىق قاۋىپسىزدىك ماسەلەلەرىن قوزعادى. «بنكا ەنەردجي» جشس تەحنيكالىق ديرەكتورى ج. الدەبەرگەنوۆ ەنەرگەتيكالىق ينفراقۇرىلىم قۇرىلىسىنا شەتەلدىك ينۆەستيتسيالار تارتۋ ماسەلەسىن كوتەردى.
ەۋروپا قايتا قۇرۋ جانە دامۋ بانكىنىڭ باسشىسى ا. پرەيمانيس ءوز سوزىندە ينۆەستيتسيالىق احۋالدى جاقسارتۋ ءۇشىن شوب دامىتۋ وتە ماڭىزدى ەكەنىن اتاپ ءوتتى. سوندىقتان دا, شوب-تى تسيفرلاندىرۋ داعدىلارىن دامىتۋعا جانە ەنگىزۋگە ەرەكشە كوڭىل ءبولۋ كەرەك.
«ەققدب بۇگىن پاۆلودار وبلىسىنىڭ شاعىن جانە ورتا كومپانيالارىمەن جۇمىس ىستەيدى. "دامۋ" قورى ارقىلى داعدىلاردى دامىتۋ, شەتەلدىك ينۆەستورلاردىڭ كەڭەسى ماڭىزدى بولىپ قالۋى كەرەك. سەبەبى, يمپورتتى الماستىرۋ ماسەلەسىندە سۋبسيديالاۋدىڭ دا ءمانى زور. دەگەنمەن, ءبىز شىعارىپ وتىرعان ءونىمنىڭ ساپاسى شەتەلدىك تالاپتارعا قانشالىقتى ساي كەلەتىنىن تۇسىنۋ كەرەك. بۇل ورايدا شەتەلدىك ينۆەستورلاردى تارتا وتىرىپ, قولدانىستاعى ساياساتتى جالعاستىرعانىمىز ءجون», — دەدى ا. پرەيمانيس.
پرەمەر-ءمينيستردىڭ ورىنباسارى ا. جۇماعاليەۆ شوب سالاسىنىڭ تسيفرلانۋىن دامىتۋ, سونداي-اق, ونىڭ ەڭبەك ونىمدىلىگىن ارتتىرۋعا اسەرى تۋرالى تۇسىنىكتەمە بەرىپ ءوتتى.
ەسكە سالا كەتەيىك, ەلباسى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىندا ستراتەگيالىق ماقساتىمىزدىڭ ءبىرى — ەلدىڭ ءجىو شاعىن جانە ورتا بيزنەستىڭ ۇلەسى 2050 جىلعا قاراي كەم دەگەندە 50% بولۋىن قامتاماسىز ەتۋ ەكەنىن اتاپ ءوتتى. اتالعان مىندەتتى شەشۋ ءۇشىن ءونىمدى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى ىسكە اسىرىلىپ جاتىر. شاعىن نەسيە بەرۋ اۋقىمى كەڭەيتىلدى, جاپپاي كاسىپكەرلىكتى قولداۋ قۇرالدارى جەتىلدىرىلۋدە. قالالاردا شاعىن نەسيە بەرۋدىڭ جالپى پورتفەلى وتكەن جىلدىڭ قاراجاتتارىن ەسكەرگەندە 24,3 ملرد تگ قۇرايدى. ولاردىڭ ىشىندە 2017 ج. — 11,9 ملرد تگ, 2018 ج. — 12,4 ملرد تگ, ونىڭ ىشىندە 6,1 ملرد تگ — پرەزيدەنتتىڭ «بەس الەۋمەتتىك باستاماسى» اياسىندا قوسىمشا بولىنگەن.
بۇدان وزگە, ۇكىمەت «اتامەكەن» ۇكپ بىرلەسىپ, بيزنەستەگى بارلىق شىعىن تۇرلەرىن تومەندەتۋ بويىنشا بىرقاتار شارالاردى قابىلدادى. مەملەكەتتىڭ ەكونوميكاداعى ۇلەسىن ءجىو 15% دەيىن, ەىدۇ ەلدەرىنىڭ دەڭگەيىنە دەيىن تومەندەتۋ جۇمىستارى جالعاسىپ جاتىر. وسى جىلدىڭ ءى جارتى جىلدىعىنىڭ قورىتىندىسى بويىنشا كەشەندى جوسپاردىڭ 887 نىسانىنىڭ 502 نىسانى قويىلدى, ونىڭ 421-ءى 216 ملرد تەڭگەگە ساتىلدى. 266 نىسان قايتا ۇيىمداستىرۋ جانە تاراتۋ ساتىسىندا تۇر. وسىلايشا, قايتا ۇيىمداستىرىلاتىن جانە تاراتىلاتىن نىسانداردى قوسا ەسەپتەگەندە, كەشەندى جوسپاردىڭ ورىندالۋى 77,4% قۇرايدى. سونىمەن قاتار, مەملەكەتتىك-جەكەمەنشىك سەرىكتەستىكتى كەڭەيتۋ جۇمىستارى دا جۇرگىزىلىپ جاتىر.