جاكارتادا جازعى ازيا ويىندارىنىڭ اشىلۋ سالتاناتى ءوتتى

بيىلعى ازيادا يندونەزيادا وسىمەن ەكىنشى رەت ءوتىپ جاتقانى بەلگىلى. 1962 جىلى وتكەن ءتورتىنشى جازعى ازيا ويىندارىنىڭ اشىلۋ سالتاناتى دا ءدال وسى ستاديوندا ۇيىمداستىرىلعان-دى. رەسمي اشىلۋ سالتاناتى «گارريس» اتتى يندونەزيانىڭ ۇلتتىق بيىمەن باستالدى. 1500 قىز بالا بيلەگەن بيدە ەلدىڭ بۇكىل ادەت-عۇرپى, سالت-ءداستۇرى جانە مادەنيەتى سىيدىرىلعان. 150 ءبيشىنىڭ كيىمىنە 30 مىڭ مەتر ماتا جۇمسالىپ, ونى 50 مىڭعا جۋىق تىگىنشى ءۇش اي تىككەن. ءبيدى حورەوگراف – دەنني ماليك قويعان. يندونەزيا بايراقتى باسەكەنىڭ اشىلۋ سالتاناتىنا 17 اپتا دايىندالعان.

وسىدان كەيىن جارىسقا قاتىساتىن ەلدەردىڭ سپورتشىلارى ساپ تۇزەپ, كەزەك-كەزەگىمەن ستاديوننىڭ الاڭىن اينالىپ ءجۇرىپ ءوتتى. ءبىزدىڭ ەلدىڭ دەلەگاتسياسى 15-ءشى بولىپ شىقتى. ال مەملەكەتتىك تۋىمىزدى بوكستان الەم چەمپيوناتىنىڭ كۇمىس جۇلدەگەرى امانقۇل ءابىلحان ۇستاپ ءجۇردى. وسىدان ءتورت جىل بۇرىن وڭتۇستىك كورەيانىڭ ينچحون قالاسىندا وتكەن ازيادادا بوكستان وليمپيا ويىندارى جəنە əلەم چەمپيوناتىنىڭ كۇمىس جۇلدەگەرى Əدىلبەك نيازىمبەتوۆ الىپ جۇرگەن-ءدى. وسىلايشا, قاتارىنان ەكى ازيا ويىندارىندا كوك تۋىمىزدى ۇستاپ شىعۋ بوكسشىلارىمىزعا بۇيىرىپ وتىر.

تاعى ءبىر ايتا كەتەر جايت, وڭتۇستىك پەن سولتۇستىك كورەيا سپورتشىلارى جازعى ازيا ويىندارىنىڭ تاريحىندا تۇڭعىش رەت ءبىر تۋدىڭ استىندا شىقتى.

رەسمي شارانىڭ سوڭىندا يندونەزيا پرەزيدەنتى دجوكو ۆيدودو ءسوز سويلەپ, جازعى ازيا ويىندارىنىڭ اشىلعانىن جاريالادى. سونداي-اق جارىسقا قاتىسىپ جاتقان ساڭلاقتارعا ساتتىلىك تىلەپ, بارلىعىنا سوڭىنا دەيىن كۇرەسىپ, جەڭىسكە جەتۋلەرىنە تىلەكتەستىگىن ءبىلدىردى. سونان سوڭ اشىلۋ سالتاناتى تەاترلانعان كورىنىسپەن جالعاستى.

ايتا كەتەيىك, جازعى ازيا ويىندارى 2-قىركۇيەككە دەيىن جالعاسادى. وكىنىشكە قاراي, يندونەزياداعى سپورتتىق وقيعانى وتاندىق تەلەارنالار تىكەلەي ەفيردە كورسەتپەيدى. دەگەنمەن, قازاقستاندىق سپورتشىلاردىڭ ناتيجەسىمەن ەڭ ءبىرىنشى بولىپ egemen.kz سايتىنان بىلە الاسىزدار.

ءالي بيتورە,

«ەگەمەن قازاقستان»

فوتو: دانيار مايلىباەۆ, قازاقستان ۇوك ءباسپاسوز قىزمەتى