ماناش قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتى جۋىردا استانا قالاسى اكىمدىگى بولگەن گرانتتىڭ 99-نا يە بولدى.
بىلتىر وڭىرىمىزدەگى جالعىز وقۋ ورنى 581 گرانت جەڭىپ السا, بيىل بارلىعى 1702 گرانت ەنشىلەپ وتىر. «استانا قالاسى اكىمى بولگەن مىڭعا جۋىق گرانتتىڭ ىشىندە 99-ىن ءبىزدىڭ ۋنيۆەرسيتەت ۇتىپ الدى. 43 گرانت – ءبىلىم, 36 –سى تەحنيكالىق عىلىمدار جانە تەحنولوگيا, 20-سى مەديتسينالىق ماماندىقتارعا ءبولىندى. بيىل العاش رەت جەرگىلىكتى بيۋدجەتتەن 75 گرانت تاعايىندالدى. ولار اۋىل شارۋاشىلىعى, ءبىلىم جانە مەديتسينا سالالارى ءۇشىن قاراستىرىلعان», دەيدى اكادەميالىق ماسەلەلەر جونىندەگى پرورەكتور ەربول يساقاەۆ. گرانتتار باكالاۆريات بويىنشا ءبىلىم الاتىن ستۋدەنتتەرگە دە قاراستىرىلعان.
انەل احمەتوۆا بيىل العاش رەت اشىلعالى وتىرعان جالپى مەديتسينا فاكۋلتەتىنە قۇجاتتار تاپسىرعانمەن ۇبت قورىتىندىسىندا گرانتقا قاجەتتى باللدى جيناي الماپتى. اقىلى تۇردە قالاي وقيمىن دەپ قينالىپ جۇرگەندە استانا قالاسىنىڭ اكىمدىگى بولگەن گرانتقا ىلىگىپتى. استانا قالاسى اكىمىنىڭ گرانتتارىمەن ءبىلىم الاتىن ستۋدەنتتەر ماماندىقتارى بويىنشا ەلوردادا 3 جىل جۇمىس ىستەۋگە مىندەتتى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى