جوبا ERG كومپانياسى مەن وبلىس اكىمدىگى اراسىنداعى الەۋمەتتىك جوبالاردى جۇزەگە اسىرۋداعى مەموراندۋم اياسىندا جۇزەگە استى. دەمالىس ساياباعىن جاڭعىرتىپ, اباتتاندىرۋعا 300 ميلليون تەڭگە ءبولىنىپتى.
ەندى جىل سايىن جازعى ۋاقىتتا كىشكەنتاي ەكىباستۇزدىقتار مەن ولاردىڭ اتا-انالارى باسسەينگە بارادى. قالاداعى مادەني-سپورتتىق ءىس-شارالار «شاحتەر» ساياباعىندا وتەدى. كونتسەرتتىك باعدارلامالار وتەتىن امفيتەاترى بار. بالالارعا اتتراكتسيون الاڭى دا قىزىقتى. سۋبۇرقاق تا كوككە اۋەلەيدى. كەشكە جارىق شاشىپ, مۋزىكالىق اۋەن ويناپ تۇرادى. استانانىڭ 20 جىلدىعىنا تارتۋ رەتىندە ساياباقتا 128 شىرشا وتىرعىزىلدى.
جاڭادان اشىلعان باسسەينگە ءبىر مەزەتتە 100 ادام شومىلا الادى. كەلۋشىلەرگە بارلىق جاعداي جاسالعان. اجەتحانا, دەمالاتىن, تۇرمىستىق بولمەلەر, شەشىنەتىن ورىندار بار. سۋ ءاردايىم تازا بولۋ ءۇشىن ارنايى سۇزگىلەرمەن جابدىقتالعان.
– ەۋرازيالىق توپتىڭ ERG كاسىپورىندارى ورنالاسقان قالالاردا تۇرعىندار ءومىرىن بارىنشا جايلى ەتۋگە باعىتتالعان «رودنىە گورودا» باعدارلاماسى باستالدى. قالادا تابيعي سۋ جوق ەكەندىگىن ەسكەرسەك, ەندى ەكىباستۇزدىقتاردا تاماشا دەمالىس ورنى پايدا بولدى, دەيدى
«ەۋرازياتتىق ەنەرگەتيكالىق كورپوراتسيا» اق «ۆوستوچنىي» كەنىشىنىڭ ديرەكتورى يۋري گونچاروۆ.
«ەۋروازياتتىق ەنەرگەتيكالىق كورپوراتسيا» اق ەكىباستۇزدى كوركەيتۋگە ۇلەس قوسۋدا. بالاباقشالار جانە سپورت الاڭدارىن اباتتاندىرىپ, قالالىق ساياباقتار جانە گۇلزارلارعا جاسىل جەلەكتەر ەگىلدى. مەموراندۋم اياسىندا ERG كومپانياسى وبلىستاعى الەۋمەتتىك جوبالار سانالاتىن اقسۋداعى سپورت سارايى, جابىق حوككەي كورتى, ەكىباستۇزداعى بالالار مۋزىكا مەكتەبى, وبلىس ورتالىعىنداعى شومىلۋ باسسەينىنىڭ قۇرىلىسىنا, ترامۆاي ۆاگوندارىن ساتىپ الۋ, مەكتەپتەردى كۇردەلى جوندەۋدەن وتكىزۋگە قارجى ءبولدى.
فاريدا بىقاي,
«ەگەمەن قازاقستان»
ەكىباستۇز