ەلوردانىڭ «استانا» كومانداسى ەۋروپا ليگاسىنىڭ پلەي-وفف كەزەڭىندە كيپردىڭ اپوەل كلۋبىمەن كەزدەسەتىن بولدى.
ەكى كوماندا دا ەۋرودودا باسەكەسىن چەمپيوندار ليگاسىنىڭ ىرىكتەۋ كەزەڭىنەن باستاعان بولاتىن. كيپردىڭ كومانداسى ءبىرىنشى ىرىكتەۋ كەزەڭىندە ليتۆانىڭ «سۋدۋۆە» (1:3, 1:0) كومانداسىنان سەنساتسيالى تۇردە جەڭىلىپ, ەۋروپا ليگاسىنا تۇسسە, «استانا» كلۋبى اتالعان ءتۋرنيردىڭ ءۇشىنشى ىرىكەتۋ كەزەڭىندە حورۆاتيانىڭ «ديناموسىنان» (0:1, 0:2) جەڭىلىپ قالدى.
ەكى كوماندانىڭ اراسىنداعى العاشقى كەزدەسۋ 23-تامىز كۇنى كيپردە وتسە, قارىمتا ماتچ 30-تامىز كۇنى «استانا ارەنا» ستاديونىندا وتەدى دەپ جوسپارلانعان.
ايتا كەتەيىك, «استانا» ەۋروكۋبوگ اياسىندا اپوەل كومانداسىمەن ءۇشىنشى مارتە كەزدەسكەلى تۇر. 2015 جىلى ەلوردا كومانداسى اپوەل كلۋبىن چەمپيوندار ليگاسىنىڭ پلەي-وفف كەزەڭىندە جەڭىپ (1:0, 1:1), تۇڭعىش رەت اتالمىش ءتۋرنيردىڭ توپتىق كەزەڭىنە تۇسكەن بولاتىن. اراعا جىل سالىپ ەكى كوماندا ەۋروپا ليگاسىنىڭ توپتىق كەزەڭىندە كەزدەسىپ, ءار قايسىسى ءوز الاڭىندا 2:1 ەسەبىمەن جەڭىسكە جەتكەن.