تۇركىستان وبلىسىندا «بۇ­ل – ءبىزدىڭ تاۋلار!» فەس­­تيۆالى ءوتتى

اقتوبە, قاراعاندى وبلىس­تارىنان ات ارىتىپ ارنايى كەل­گەن الپينيستەرگە وسى جاق­تاعى ارىپتەستەرى مەن ەرىكتىلەر توبى قوسىلىپ, بارلىعى وتىزدان استام ادام قۇزار شىڭعا اتتانعان-دى.  بيىك شىڭ­داردى باعىندىرۋعا بەل بۋعان­دار­دىڭ ماقساتى – ەلباسى­نىڭ «بولا­شاققا باعدار: رۋحاني جاڭعىرۋ» باعدارلاما­لىق ما­قا­لاسى اياسىندا كەڭەستىك كەزەڭدە ءتۇرلى اتاۋعا يە بولعان شىڭدارعا تولە, قازىبەك جانە ايتەكە بيلەردىڭ ەسىم­دەرى جا­زىل­عان تاس ورناتىپ, تۋ تىگۋ عانا ەمەس ەدى. ياعني تۇركىستان وبلىسىنداعى «سايرام-وگەم» مۇتپ اۋماعىندا وتكەن تاۋ فەستيۆالىنىڭ ماقساتى – ىشكى سپورتتىق-ەكولوگيالىق ءتۋريزمدى دامىتۋ, وبلىستىڭ تۋريس­تىك الەۋە­تىن ناسيحاتتاۋ جانە «رۋحاني جاڭعىرۋ» باع­دار­لاماسىن جۇزەگە اسىرۋ. بيىككە كوتەرىلگەندەردىڭ ماقسات­قا جەتۋدەگى تاباندىلىعى مەن توزىمدىلىگىنىڭ ناتيجەسىندە شىڭدارعا تاس ورناتىلىپ, تۋ تىگىلدى. 

ناقتىراق ايتساق, وبلىس­تاعى 3 بيىك شىڭنىڭ اتاۋى وز­گەر­­دى. بۇرىن «پيك ستۋ­دەنتوۆ» (3750 م) دەپ اتال­عان شىڭ ەندى ايتەكە بي شىڭى دەپ اتالسا, «كەرگەلي ۋزلوۆايا» (3787 م) شىڭىنا قازى­بەك ءبيدىڭ ەسىمى بەرىلدى. ال, «روششينا» (3860 م) شىڭى ەندى تولە بي شىڭى دەپ اتالادى. فەس­تي­ۆالدى قورىتىندىلاۋ راسىمىن­دە تۇركىستان وبلىسى اكىمىنىڭ ورىنباسارى ەربول تاسجۇرەكوۆ «رۋحاني جاڭعىرۋ» باعدارلا­ماسى اياسىندا وتكەن فەستيۆال­دىڭ ماڭىزدىلىعىنا توقتا­لىپ, الپينيستەردى العىس حاتپەن ماراپاتتادى. ال وبلىستىق الپينيستەر فەدەراتسياسىنىڭ پرەزيدەنتى باقىتجان اسانوۆ ءتۋريزمدى دامىتۋ باعىتىنداعى مۇنداي باستامالار الداعى ۋاقىتتا دا جالعاساتىنىن اتاپ ءوتتى. سونداي-اق فەستيۆال بارىسىندا ۆەلوشەرۋ, ۇلتتىق ويىن­داردان سايىستار, كونتسەرتتىك باعدارلاما ۇيىمداستىرىلدى. 

ايتا كەتەلىك, بۇعان دەيىن فەس­تيۆال اياسىندا الپينيس­تەر باستاعان ەرىكتىلەر توبى  وگەم تاۋ جوتاسىنىڭ شى­عىس جاعىندا ورنالاسقان تاۋعا شىعىپ, وعان «قازاقستان حال­قى اسسامبلەياسىنىڭ 20 جىل­دىعى شىڭى» (بيىكتىگى 3535 م) اتاۋى بەرىلگەن, ەلىمىزدىڭ كوك باي­­راعى مەن اسسامبلەيا تۋىن جەل­بىرەتكەن بولاتىن.

عالىمجان ەلشىباي,

«ەگەمەن قازاقستان»

تۇركىستان وبلىسى