باكۋ قالاسىندا استانانىڭ تۋعان كۇنى تويلاندى

فوتوكورمەنى قر تۇڭعىش پرەزيدەنتى – ەلباسى قورىنىڭ اتقارۋشى ديرەكتورىنىڭ ورىنباسارى يگور روگوۆ پەن گەيدار اليەۆ ورتالىعىنىڭ ديرەكتورىنىڭ ءبىرىنشى ورىنباسارى اديل كەريملي اشتى.

«استانا – ۇلى دالا جاۋھارى» فوتوكورمەسى ماسكەۋ, مادريد, سانكت-پەتەربۋرگ, گااگا, بۋحارەست, استراحان قالالارىندا بولىپ ۇلگەردى. بولاشاقتا لوندون, پاريج, بەرلين جانە بەيجىڭ قالالارىندا بولماق.

ءبىرىنشى بولىپ فوتوكورمەنى ءازىربايجاننىڭ بەلگىلى مەملەكەت قايراتكەرلەرى, ديپلوماتيالىق كورپۋس, مادەنيەت قايراتكەرلەرى جانە جۋرناليستەر تاماشالاي الدى.قۇرمەتتى قوناقتاردىڭ ىشىندە ءازىربايجان پارلامەنتىنىڭ دەپۋتاتتارى, ۆەنەتسيالىق كوميسسيانىڭ پرەزيدەنتى دجانني بۋكيككيوجانە ءازىربايجاننىڭ كونستيتۋتسيالىق سوتىنىڭ توراعاسى فارحاد ابدۋللاەۆباستاعان ەۋروپا جانە تمد ەلدەرىنىڭ كونستيتۋتسيالىق سوتتتارىنىڭباسشىلارى بولدى.

قوناقتار بايتەرەك, پيراميدا جانە نۇر الەم عيماراتتارىناسىرەسە اتاپ ءوتتى.سونىمەن قاتار «تۇران» ەتنو-فولكلورلىق توبىنىڭ ونەرى جينالعان قاۋىمعا وتە ۇنادى.

مادەني ءىس-شارا بارىسىندا كەلگەن قوناقتارعا استانانىڭ 20-جىلدىعىنا ارنالعان «A Day in Astana» فوتوالبومى جانە «بۋراباي» ۇلتتىق مەملەكەتتىك تابيعي باعىنا ارنالعان«A Day in Burabay» اتتى فوتالبومدارى تارتۋ ەتىلدى. بۇل البومدار قر تۇڭعىش پرەزيدەنتى قورىنىڭ تاپسىرىسى بويىنشا ازىرلەندى. ءبىرىنشى البوم استانانىڭ ۋلترا زاماناۋي عيماراتتارى, ولاردىڭ ارحيتەكتۋرالىق جانە تەحنيكالىق ەرەكشەلىكتەرى كورسەتىلگەن فوتوسۋرەتتەردەن تۇرادى. ەكىنشى فوتوالبوم «قازاقستاندىق شۆەيتساريانىڭ» كەرەمەتىمەن تانىستىرادى.

قر تۇڭعىش پرەزيدەنتى – ەلباسى قورىنىڭ اتقارۋشى ديرەكتورىنىڭ ورىنباسارى يگور روگوۆ: «2018 - بۇل قازاقستان ءۇشىن ەرەكشە جىل. بۇگىن ءبىزدىڭ ەلوردامىز ءوزىنىڭ 20 جىلدىعىن اتاپ وتۋدە. ءبىز ءۇشىن بۇل وقيعانىڭ تاريحي ماڭىزى زور. بۇگىندە استانانى قازاق دالاسىنىڭ جاۋھارى دەپ اتاۋعا بولادى. استانا تاۋەلسىزدىكتىڭ, جاڭا شەكسىز مۇمكىندىكتەردىڭ, باتىل يدەيالار مەن قازاق حالقىنىڭ ءۇمىتىنىڭ كورىنىسى بولىپ تابىلادى.20 جىل بۇرىن قازاقستان پرەزيدەنتى قابىلداعان تاريحي شەشىم بۇكىل مەملەكەتتىڭ دامۋى مەن وركەندەۋىنە جاڭا سەرپىن بەردى».

قازاقستان حالقىن استانانىڭ مەرەيتويىمەن قۇتتىقتاي وتىرىپ, گەيدار اليەۆ ورتالىعىنىڭ ديرەكتورىنىڭ ءبىرىنشى ورىنباسارى اديل كەريملي بىلاي دەپ اتاپ ءوتتى: «بۇگىنگى ءىس-شارا گەيدار اليەۆ قورى مەن قازاقستان رەسپۋبليكاسى تۇڭعىش پرەزيدەنتى قورى اراسىنداعى ىنتىماقتاستىق تۋرالى مەموراندۋم اياسىندا وتكىزىلدى. ءبىزدىڭ ىنتىماقتاستىعىمىز ەلدەرىمىزدىڭ مادەني, تاريحي جانە عىلىمي مۇرالارىن زەردەلەۋگە جانە تاراتۋعا, حالىقتار دوستىعىن كۇشەيتۋگە باعىتتالعان».

سونىمەن قاتار ازىربايجانعا ساپار بارىسىندا قر تۇڭعىش پرەزيدەنتى – ەلباسى قورىنىڭ اتقارۋشى ديرەكتورىنىڭ ورىنباسارى يگور روگوۆ «قۇقىقتىق مەملەكەت پەن كونستيتۋتسيالىق ادىلەتتىلىك: قۇندىلىقتار جانە باسىمدىقتار» اتتى حالىقارالىق كونفەرەنتسياسىندا«2017 جىلعى كونستيتۋتسيالىق رەفورما جانە قازاقستاننىڭ قۇقىقتىق جۇيەسىنىڭ جاڭعىرتىلۋى»تاقىرىبىندا بايانداماجاسادى.بۇل ءىس-شارا ءازىربايجان رەسپۋبليكاسىنىڭ كونستيتۋتسيالىق سوتىنىڭ 20 جىلدىعىنىڭ اياسىندا وتكىزىلدى.