ورتالىق ازياداعى تسيرك ونەرىنە ارنالعان بىردەن ءبىر سايىس – «ازيا جاڭعىرىعى» حالىقارالىق فەستيۆالى شىلدەنىڭ 4-ءى مەن 8-ءى ارالىعىندا استانادا وتەدى. بۇل تۋرالى استانا قالاسى مادەنيەت جانە سپورت باسقارماسىنىڭ ءباسپاسوز قىزمەتى حابارلادى.
جىل سايىن فەستيۆالگە تسيرك ونەرىنىڭ ەڭ مىقتى ارتيستەرى وزدەرىنىڭ ۇزدىك جەتىستىكتەرىن كوپشىلىك نازارىنا ۇسىنادى.
استانالىق تسيرك كۇمبەزىنىڭ استىندا ەكى كونكۋرستىق باعدارلاما اياسىندا 12 مەملەكەتتەن 60-تان اسا ارتيست ونەر كورسەتۋدە. بيىل استاناعا قازاقستان, قىرعىزستان, وزبەكستان, تۇركمەنستان, ۆەتنام, رەسەي, بەلارۋس, فرانتسيا, كانادا, نيكاراگۋا, ەفيوپيا جانە ۆەنگريا ەلدەرىنىڭ تسيرك ونەرىنىڭ مايتالماندارى باس قوسادى.
تسيرك يندۋسترياسى مەن مادەنيەت قايراتكەرلەرىنەن قۇرالعان حالىقارالىق تورەشىلەر كومانداسى قاتىسۋشىلاردىڭ شەبەرلىگىن باعالايدى.
قازىلار القاسىنىڭ توراعاسى – «استانالىق تسيرك» مكقك باس ديرەكتورى, قازاقستاننىڭ ەڭبەك سىڭىرگەن ءارتيسى ەرىك جولجاقسىنوۆ. بۇدان باسقا, قازىلار القاسىنىڭ قۇرامىنا ۋكراينا ۇلتتىق تسيركىنىڭ ديرەكتورى, كسرو حالىق ءارتيسى ليۋدميلا شەۆچەنكو (ۋكراينا), بەلارۋس مەملەكەتتىك تسيركىنىڭ ديرەكتورى ۆلاديمير شابان (بەلارۋس), مونتە-كارلوداعى حالىقارالىق تسيرك فەستيۆالىنىڭ ۆيتسە-پرەزيدەنتى ۋرس پيلس (مونتە-كارلو), «لاتينو» حالىقارالىق تسيرك فەستيۆالىنىڭ پرەزيدەنتى فابيو مونتيكو (يتاليا), ۆەلكي تسيركىنىڭ باس ديرەكتورى دجەرزي كوزياك, ماياميدەگى فاەربيوردپروداكشن كومپانياسىنىڭ پرەزيدەنتى پەتر دۋبينسكي, «ەرەۆان تسيركىنىڭ» كوركەمدىك جەتەكشىسى, باس ديرەكتورى سوس يوسيف پەتروسيان (ارمەنيا), ساحا رەسپۋبليكاسىنىڭ «مارفا جانە سەرگەي راستورگۋەۆتار اتىنداعى مەملەكەتتىك تسيركىنىڭ» ديرەكتورى سەرگەي راستورگۋەۆ (ياكۋتيا), ۋكراينا مەملەكەتتىك تسيرك كومپانياسىنىڭ ديرەكتورى ءارى كوركەمدىك جەتەكشىسى سەرگەي كاباكوۆ (ۋكراينا), «تسيرك ارتيستەرىنىڭ اسسوتسياتسياسى» قوعامدىق ۇيىمىنىڭ مۇشەسى-قۇرىلتايشىسى لوليتا ليپينسكا (لاتۆيا), تۇركمەندىك تسيرك ديرەكتورى يلامانوۆ اننامۋحاممەد (تۇركمەنستان), قازاق مەملەكەتتىك تسيركىنىڭ ديرەكتورى – كوركەمدىك جەتەكشىسى, مادەنيەتتانۋشى باقىت بوكەباەۆ (قازاقستان) جانە «وڭتۇستىك-تسيرك» باس ديرەكتورى ارمان اليەۆ (قازاقستان) ەندى.
قۇرمەتتى قوناق رەتىندە فەستيۆالگە ۆەنگريادان تانىمال ءپىل ۇيرەتۋشى ريچارد تاكاس پەن ۋكراينادان شوۋ-باعدارلامالاردىڭ جەتەكشىسى ۆيكتوريا گريتسەنكو شاقىرىلدى.