قىرعىزستاننىڭ باتكەن وبلىسىنداعى لەيلەك اۋدانىندا توتەنشە جاعداي جاريالاندى. بۇل تۋرالى تجم ءباسپاسوز قىزمەتى ءمالىم ەتتى, دەپ حابارلايدى كابار.
دەرەكتەرگە قاراعاندا, 9 ماۋسىم كۇنى شامامەن 16:15-تە قاتتى نوسەر جاڭبىر جاۋىپ, لەيلەك, كاتران, سۋمبۋلا, توعىز-بۇلاق, اقسۋ اۋىلدىق وكرۋگتەرىن سۋ باسقان. تابيعاتتىڭ توسىن مىنەزىنەن 13 تۇرعىن ءۇي, 1 بالاباقشا, 67 شارباق زاقىمدانعان, سونداي-اق اۆتوجولدار مەن يرريگاتسيا ارنالارى دا زالال شەككەن. اپات سالدارىن جويۋ جۇمىستارى ءجۇرىپ جاتىر. اۋداندا توتەنشە جاعداي جاريالاندى.