ساحنادا – «جانىبەك ءان سالادى...»

قويىلىم قاراۋىلداعى مەكتەپ اۋلا­سىندا شۋىلداعان, ءازىل-قال­جىڭ­دارى جاراسقان ءبىر توپ جاس­تىڭ ءوزارا اڭگى­مەسىنەن باستالادى. ولاردىڭ اراسىن­دا دومبىرا ۇستاعان جانىبەكتىڭ شوق­تى­عى بيىك ەكەنى بايقالادى. ال ەندى تاعى ءبىر كورىنىستە ۇستازى كامەن ورازا­لين­مەن سىرلاسىپ, ونىڭ اعالىق اقى­لىنا دەن قويادى. جانىبەك ارا-اراسىندا ش­ابىتى ۇستاپ, قۇيقىلجىتا ءان دە سالا­دى. ءانشى بەينەسى ءا دەگەننەن كو­رەر­مەندى شىنايىلىعىمەن باۋراپ الادى. بۇل اكتەر ازامات نۇرعامىستىڭ شە­بەرلىگىنە بايلانىستى ەكەندىگى ءسوز­سىز. كە­يىپ­كەر كەيپىنە مەيلىنشە ەنگەن اك­تەر جانىبەكتىڭ بار بولمىسىن, حا­راك­­­تەرىن اشىپ كورسەتۋگە قاجىر-قاي­را­­ت­ىن جۇمساعانى دا كوزگە ۇرىپ تۇر. جا­نى­­بەك-ازاماتتىڭ كورەرمەن ىقى­لا­­سى­ن­ا بو­لەنىپ, ولاردىڭ جۇرەگىنە قوز­­عاۋ سال­عانى ءرولدى ءارتىستىڭ بار قا­­رىم-قا­بى­ل­ەتىمەن ورىنداعانىندا بولسا كەرەك. 

اكتەر مىرزاحان سىدىقوۆ تا كا­مەن ۇستازدىڭ ءرولىن ءساتتى سومدا­عان. ۇستاز­دىڭ شاكىرتىنە دەگەن جانا­شىر­لىعى, ۇستازعا ءتان تەرەڭدىك, بىلىمدار­لىق سىدىقوۆتىڭ ورىنداۋىندا تابي­عيلىقپەن ورىلەدى.

– «جانىبەك ءان سالادى...» قويى­لى­مىن دايىنداۋ بارىسىندا بايقاعا­نى­مىز, داۋلەت سەيسەن ۇلىنىڭ انشىلىك دارىنىمەن تانىلعان جانىبەك كار­مەنوۆتىڭ ونەر سالاسىنا قوسقان ۇلەسىن ەرەكشە دارىپتەگەنى, ونى تەاتر اكتەرلەرىنىڭ شەبەرلىكپەن ورىن­داعا­نى كورەرمەندەرگە ەرەكشە اسەر ەتتى, – دەدى مادەنيەت قايراتكەرى, اباي تەاترى­نىڭ ديرەكتورى باۋىرجان تولەكوۆ.

تەاتردىڭ ادەبي ءبولىمىنىڭ مەڭ­گەرۋ­شىسى مەرەي قارتتىڭ ايتۋىنشا, جانىبەكتىڭ بۇكىل عۇمىرىن ءبىر سپەك­­تاكلگە سىيدىرۋ استە مۇمكىن ەمەس. دەسەك تە قويىلىم رەجيس­سەرى ەربول جۋاسبەك باستاعان ارتىس­تەر توبى ءانشى­نىڭ ومىرىنەن جازىل­عان شىعار­مانى كورەرمەننىڭ كوڭىلىنەن شىعارۋعا بۇكىل كۇش-جىگەرىن جۇمساعان.

سپەكتاكلدىڭ تۇساۋكەسەرىنە ال­ما­­تى­دان ارنايى كەلگەن جانىبەك كار­مەنوۆ­تىڭ جارى تۇرار پەسا اۆتورىنا, تەاتر ۇجىمىنا ءوزىنىڭ ريزاشى­لىعىن ءبىلدىردى. 

راۋشان نۇعمانبەك,

جۋرناليست

سەمەي