بۇگىن ۇكىمەت ۇيىندە قر پرەمەر-ءمينيسترى باقىتجان ساعىنتاەۆ بەينەكونفەرەنتس بايلانىس رەجيمىندە الەۋمەتتىك-ەڭبەك قىزمەتىن تسيفرلاندىرۋ ماسەلەسى جونىندە كەڭەس وتكىزدى.
كەڭەس بارىسىندا ەلىمىزدە تسيفرلىق قازاقستان اياسىندا ەلەكتروندى ەڭبەك بيرجاسىن, ەلەكتروندىق ەڭبەك كەلىسىمشارتتارىن جانە الەۋمەتتىك-ەڭبەك سالاسىنىڭ بىرىڭعاي اقپاراتتىق جۇيەسىن ەنگىزۋ بويىنشا ءۇش اۋقىمدى جوبالاردى ىسكە اسىرۋ ماسەلەلەرى تالقىلاندى.
كەڭەستە قر پرەمەر-ءمينيسترىنىڭ ورىنباسارى ا.جۇماعاليەۆ, ەڭبەك جانە حالىقتى الەۋمەتتىك قورعاۋ ءمينيسترى م.ابىلقاسىموۆا, ءبىلىم جانە عىلىم ءمينيسترى ە.ساعاديەۆ, اقپارات جانە كوممۋنيكاتسيالار ءمينيسترى د.اباەۆ جانە ت.ب. ءسوز سويلەدى.