قارجى ءمينيسترى باقىت سۇلتانوۆ يوردانيادا 2018 جىلدىڭ 8-10 مامىرىندا وتكەن ەۋروپا قايتا قۇرۋ جانە دامۋ بانكىنىڭ (ەققدب) باسقارۋشىلار كەڭەسىنىڭ XXVII جىل سايىنعى وتىرىسىنا قاتىستى, دەپ حابارلايدى primeminister.kz.
مينيستر بانكتىڭ باسقارۋشىلار كەڭەسىندە قازاقستان رەسپۋبليكاسىنىڭ اتىنان باسقارۋشى سانالادى.
وتىرىس بارىسىندا ەققدب وپەراتسيالىق قىزمەتى, ونىڭ ىشىندە ورتالىق ازيا وڭىرىندەگى ماسەلەلەر, 2017 جىلى قول جەتكىزىلگەن ناتيجەلەر, 2025 جىلعا دەيىنگى دامۋ پەرسپەكتيۆالارى قارالدى.
ءمينيستردىڭ ەققدب پرەزيدەنتى سۋما چاكرابارتيمەن كەزدەسۋى بارىسىندا بانكتىڭ قازاقستانداعى نەگىزگى جوبالارى تالقىلاندى, مەملەكەتتىك م ۇلىكتى باسەكەلى ورتاعا بەرۋ ماسەلەسىنە اسا كوڭىل ءبولىندى.
بانك پرەزيدەنتى ەققدب-نىڭ 2019 جىلدىڭ سوڭىنا دەيىن شولۋدا قازاقستانعا ەرەكشە نازار اۋدارا وتىرىپ, وپەراتسيالار جۇرگىزىلەتىن ەلدەردە بaنكتىڭ قىزمەتىن نىعايتۋ تاسىلدەرىنە قۇرىلىمدىق تالداۋ جۇرگىزۋدى جوسپارلاپ وتىرعانى تۋرالى حاباردار ەتتى.
سونداي-اق, بانك 2019 جىلى قاڭتاردا ءوزىنىڭ كاپيتالدىق رەسۋرستارىن پايدالانۋ ارقىلى ساحارادان وڭتۇستىككە قاراي افريكادا ءوز قىزمەتىنىڭ گەگورافيالىق اۋقىمىن بىرتىندەپ كەڭەيتۋ جونىندەگى زەرتتەۋىن باستايدى. بۇل جۇمىس ەققدب-نىڭ 2021–2025 جىلدارعا ارنالعان ستراتەگياسىن قالىپتاستىرۋ ماقساتىندا جۇرگىزىلۋدە.
ادەتتەگىدەي, وسى كۇندەرى بانك مەملەكەتتىك قۇرىلىمدار ءۇشىن دە, سونداي-اق بيزنەس ورتا مەن ازاماتتىق قوعام ءۇشىن دە ىسكەرلىك فورۋم وتكىزۋدە. بيىل اتالعان فورۋم «ەكونوميكاعا سەرپىن بەرۋ» دەگەن ۇرانمەن ءوتتى.
فورۋمنىڭ ء«بىر بەلدەۋ – ءبىر جول» باستاماسى – ەققدب ينۆەستيتسيالايتىن ەلدەر ءۇشىن ونىڭ ماڭىزى» اتتى سەسياسىنىڭ باستى سپيكەرى باقىت سۇلتانوۆ «جىبەك جولىنىڭ ەكونوميكالىق بەلدەۋى» جوباسى ارقىلى جاڭا «ەۋرازيالىق كوپىر» قۇرىلادى جانە «قىتاي — ورتالىق ازيا — باتىس ازيا» ەكونوميكالىق ءدالىزى ودان ءارى داميتىنىن اتاپ ءوتتى.
«قارجىلىق ورتالىقتار رەفورمالاردىڭ جانە ەكونوميكالىق دامۋدىڭ قوزعاۋشى كۇشى رەتىندە: احقو-نىڭ ءرولى» سەسسياسىنىڭ قاتىسۋشىلارى احقو سەكىلدى قارجىلىق ورتالىقتار ءوسىمدى ىنتالاندىرۋ ءۇشىن ينۆەستيتسيالارعا قالاي اسەر ەتە الاتىنى جايلى ماسەلەلەردى, سونداي-اق, كورپوراتيۆتىك باسقارۋدا, بىلىكتىلىكتە جانە «جاسىل يننوۆاتسيالاردا» ستاندارتتاردى ورناتۋدىڭ قاجەتتىلىگىن قاراستىردى.