حورۆاتيا - قازاقستان قۇرامالارى اراسىنداعى ويىندا ەسەپ وزگەردى. كورت يەلەرى 1:0 ەسەبىمەن العا شىقتى.
الەمنىڭ ءۇشىنشى راكەتكاسى, ادۋىندى مارين چيليچ وتانداسىمىزدى وڭاي ۇتتى دەسەك ارتىق ەمەس. ارينە, 21 جاسار جاس تەننيسشىگە جوعارعى دەڭگەيدەگى شەبەرگە قارسى تۇرۋ وڭايعا سوقپادى. العاشقى سەتتە ەسەپ 6:2 بولدى. الايدا, العاشقى 5 گەيمگە دەيىن قوس قارسىلاس تەرەزەسى تەڭ ويناپ كەلدى. ودان كەيىن باسىمدىلىقتى قولىنا العان چيليچ ءوز جانكۇيەرلەرىنىڭ الدىندا جەلپىنىپ كەتتى. قاتارىنان 9 گەيمدە جەڭىسكە جەتىپ, ەسەپ ايىرماسىن جاقسارتىپ الدى. ەكىنشى سەتتە ەسەپ 6:1 بولسا, ۇشىنشىسىندە 6:2 بولىپ تىركەلدى. ماتچ بويى 10 ەيس جاساعان حورۆاتيالىق جالپى ەسەپتەگەندە 98 رەت ۇپاي ەنشىلەدى. ماتچتا بولعان 23 گەيمنىڭ 18-ءىن ۇتتى.
ەندىگى ويىن بورنا چوريچ پەن ميحايل كۋكۋشكين اراسىندا وتپەك.
ەرمۇحامەد ماۋلەن,
حورۆاتيا.