قازاقستان جانە اۆستريانىڭ تۇراقتى وكىلدىكتەرى ۆەناداعى تۇراقتى وكىلدەردىڭ, حالىقارالىق ۇيىمداردىڭ باسشىلىعىنىڭ جانە ساراپشىلىق قاۋىمداستىقتىڭ قاتىسۋىمەن سەمينار وتكىزدى.
2018 جىلعى 23 ءساۋىر – 4 مامىر ارالىعىندا جەنەۆا قالاسىندا وتەتىن يادرولىق قارۋدى تاراپتاۋ تۋرالى شارتىنىڭ (بۇدان ءارى – ياقتش) 2020 جىلعى شولۋ كونفەرەنتسياسىنا دايىندىق كوميتەتىنىڭ ەكىنشى وتىرىسىنا دايىندىق ماقساتىندا قازاقستان رەسپۋبليكاسىنىڭ ۆەناداعى حالىقارالىق ۇيىمدار جانىنداعى تۇراقتى وكىلدىگى اۆستريانىڭ تۇراقتى وكىلدىگىمەن بىرلەسىپ بۇۇ ۆەناداعى بولىمشەسىندە ياقتش شولۋ تسيكلى ماسەلەلەرىنە ارنالعان سەمينار ۇيىمداستىردى.
بەلگىلى حالىقارالىق ساراپشى, يادرولىق سىناقتارعا جاپپاي تىيىم سالۋ شارتى ۇيىمىنىڭ (ياسجتشۇ) كونسۋلتانتى, اتوم ەنەرگياسى جونىندەگى حالىقارالىق اگەنتتىك (اەحا) باس ديرەكتورىنىڭ بۇرىڭعى ارنايى كەڭەسشىسى تارىق راۋف نەگىزگى بايانداماشىلاردىڭ بىرەۋى بولىپ سەميناردىڭ جۇرگىزۋشىسى رەتىندە قاتىستى. سونداي-اق, ياقتش شولۋ كونفەرەنتسياسىنا دايىندىق كوميتەتىنىڭ ەكىنشى وتىرىسىنىڭ توراعاسى ادام بۋگايسكي بايانداما جاسادى.
اۋستريانىڭ, ارگەنتينانىڭ, مىسىردىڭ, ەۋروپا وداعىنىڭ, قازاقستاننىڭ, مەكسيكانىڭ, نيدەرلاندتىڭ, رەسەيدىڭ, فرانتسيانىڭ شۆەيتساريانىڭ, جاپونيانىڭ تۇراقتى وكىلدەرى جانە اەحا مەن ياسجتشۇ جوعارى قىزمەتتەگى وكىلدەرى سەميناردىڭ بايانداماشىلار رەتىندە قاتىستى. تالقىلانعان ماسەلەلەر قاتارىندا يادرولىق قارۋسىزدانۋ جانە يادرولىق قارۋدى تاراتپاۋ, بەيبىت ماقساتتا اتوم ەنەرگياسىن پايدالانۋ, يادرولىق قاۋىپسىزدىكتى قامتاماسىز ەتۋ, يراننىڭ يادرولىق باعدارلاماسى بويىنشا بىرلەسكەن كەشەندى ءىس-قيمىل جوسپارىن جۇزەگە اسىرۋ پەرسپەكتيۆالارى, تاياۋ شىعىستاعى جاپپاي قىرىپ-جويۋ قارۋىنان بوساتىلعان ايماقتى قۇرۋ, سونداي-اق كورەي تۇبەگىنىڭ يادرولىق قارۋسىزدانۋ مۇمكىندىگى بولدى.
ءوز سوزىندە قايرات سارىباي قازاقستاننىڭ جاھاندىق يادرولىق قارۋسىزدانۋ مەن تاراتپاۋ رەجيمىن كۇشەيتۋىنە باعىتتالعان ۇلەسىن, قازاقستان پرەزيدەنتى نۇرسۇلتان نازارباەۆتىڭ ماڭىزدى باستامالارىن, سونىڭ ىشىندە سەمەي سىناق پوليگونىن جابىلۋىن, ورتالىق ازيادا يادرولىق قارۋسىز اۋماعىن قۇرۋىن, بۇۇ باس اسسامبلەياسىنىڭ يادرولىق قارۋسىز الەمگە جەتۋ بويىنشا جالپىعا بىردەي دەكلاراتسياسى تۋرالى قارارىن قابىلداۋىن, «اتوم» جوباسىن, مانيفەست «الەم. XXI عاسىر», قر-دا اەحا تومەن بايىتىلعان ۋران بانكىن قۇرۋىن جانە ءۇ.ج. 18 قاڭتارداعى ەلباسىنىڭ بۇۇ قاۋىپسىزدىك كەڭەسىنىڭ توراعاسى رەتىندە جاپپاي جويۋ قارۋىن تاراتپاۋ جانە سەنىم شارالارىن كۇشەيتۋ ماسەلەلەرى بويىنشا تاقىرىپتىق بريفينگ ناتيجەسىندە بايانداماسىن اتاپ ءوتتى.
قازاقستان مەن اۆستريا ۇيىمداستىرعان سەمينار ۆەناداعى ديپلوماتيالىق قوعامداستىق پەن حالىقارالىق ۇيىمداردىڭ نازارىن كەڭىنەن تارتتى. قىزۋ جانە قىزىقتى پىكىرتالاس بارىسىندا قاتىسۋشىلار يادرولىق قارۋسىزدانۋ, تاراتپاۋ جانە اتوم ەنەرگياسىن بەيبىت ماقساتتا پايدالانۋ وزەكتى ماسەلەلەرى بويىنشا پىكىر الماستى, دايىندىق كوميتەتى جانە الداعى 2020 ياقتش شولۋ كونفەرەنتسياسىنىڭ الداعى وتىرىستار جايىندا بولجال جانە ياقتش شولۋ تسيكلىنىڭ بولاشاعى تۋرالى باعالاۋلار مەن بولجامدار ءبىلدىردى.
جالپى العاندا, وتكەن سەمينار اعىمداعى جىلى بۇۇ-نىڭ ۆەنا الاڭىنداعى نەگىزگى ۋاقيعالاردىڭ ءبىرى بولىپ تابىلدى.
ياقتش-نا 1968 جىلى قول قويىلىپ, 1970 جىلى كۇشىنە ەنىپ, 1995 جىلى بەلگىسىز مەرزىمگە ۇزارتىلدى. شارت يادرولىق تاراتپاۋ جاھاندىق رەجيمىنىڭ ىرگەتاسى سانالىپ, يادرولىق قارۋسىزدانۋعا جەتۋ جولىنداعى ماڭىزدى نەگىز بولىپ تابىلادى. ياقتش-نىڭ شولۋ كونفەرەنتسيالارى بۇۇ-نىڭ نيۋ-يوركتەگى شتاب-پاتەرىندە بەس جىلدا ءبىر رەت وتكىزىلەدى, كەلەسى كونفەرەنتسيا 2020 جىلى وتكىزىلەدى. شولۋ كونفەرەنتسياسى الدىندا دايىندىق كوميتەتىنىڭ وتىرىسى وتەدى. كەلەسى وتىرىس 23 ءساۋىر - 4 مامىر ارالىعىندا جەنەۆادا وتكىزىلەدى.