اسكەري قىزمەتكەر قىزدار اراسىنداعى «ۇلتتىق ۇلان ارۋى-2018» مارتەبەسىن سەمەيلىك ارۋ جەڭىپ الدى.
سونىمەن ادىلقازىلار القاسىنىڭ شەشىمىمەن ونلاين جۇيەسىندەگى اشىق داۋىس بەرۋ بارىسىندا سۇلۋلىق كونكۋرسىنىڭ جەڭىمپازى بولىپ شىعىس قازاقستان وبلىسىنىڭ ارۋى, جەرلەسىمىز سەمەيلىك ديانا بايجۇمانوۆا اتالدى. ديانا قازاقستان رەسپۋبليكاسى ۇلتتىق ۇلانى «شىعىس» وڭىرلىك قولباسشىلىعىنىڭ 5511 اسكەري بولىمىندە تابىستى ەڭبەك ەتۋدە. ەفرەيتور ديانا بايجۇمانوۆا سەمەي قالاسىندا تۋعان. ۇلتتىق ۇلان ساپىندا 2017 جىلدان باستاپ, قارجى قىزمەتىنىڭ باس مامانى رەتىندە جۇمىس ىستەپ كەلەدى ەكەن.
ايتا كەتۋ كەرەك, قر ۇلتتىق ۇلانىنىڭ قاتارىنا سەمەيلىك سۇلۋ ءبىر كۇندە كەلە سالمادى. ول وسى بولىمدە تابان اۋدارماي 15 جىل قىزمەت ەتكەن ءوز اناسىنىڭ ىزىمەن ءجۇرىپ, اسكەري قىزمەتتى جالعاپتى.
ورتا مەكتەپتى تامامداسىمەن ديانا سەمەي قالاسىنداعى قارجى-ەكونوميكالىق كوللەدجىنە «ەسەپ جانە اۋديت» ماماندىعى بويىنشا بىتىرەدى. سودان كەيىن جاس مامان رەتىندە, ەلىمە ەڭبەك ەتسەم دەگەن ناقتى ماقساتتى ۇستانادى. ارميا قاتارىندا ءجۇرىپ, ديانا قازاق يننوۆاتسيالىق ۋنيۆەرسيتەتىندە نەگىزگى ماماندىعى بويىنشا جوعارى ءبىلىمدى سىرتتاي الىپ شىعىپتى.
- اسكەري قىزمەتتى جاقسى كورەمىن,-دەدى ديانا بايجۇمانوۆا,-ادامدى ءتارتىپ پەن جيناقىلىققا ۇيرەتىپ, وتانعا دەگەن سۇيىسپەنشىلىكتى ارتتىرادى. ادامدى ناعىز ادام جاسايتىن ارميا دەپ بىلەمىن.
وسىناۋ جاۋاپكەرشىلىگى مول جۇمىسىندا ادەمى ارۋ قىز ەرلەردەن قالىسپاي ەڭبەك ەتەتىندىگى تاعى بار. نازىك جاراتىلىسىنا قاراماستان اسكەري قىزمەتتىڭ بارلىق جۇگىن كوتەرە بىلەتىن جان. ءتىپتى ساپقا تۇرۋدىڭ يكەمدىلىگىن يگەرىپ, سپورتتىق جارىستارعا قاتىسىپ, قارۋ-جاراق ۇستاۋدىڭ بارلىق قىر-سىرىن مەڭگەرگەن. ءتىپتى بۇنىڭ ءبارىن الدىڭعىلاردىڭ قاتارىندا ورىندايتىنىن قايتەرسىڭ. كلاسسيكالىق ادەبيەتكە جانى قۇشتار, ولەڭ شىعاعارعاندى دا جاقسى كورەدى. سۇيىكتى ماقالى «گەنەرال بولۋدى ارمانداماعان سارباز سارباز ەمەس» دەگەن ناقىل ءسوز ەكەن.
راۋشان نۇعمانبەكوۆا,
سۋرەت اۆتوردىكى.
سەمەي