پرەزيدەنت جاريالاعان بەس باستامانىڭ ارقايسىسى ءوزىنىڭ مازمۇنى بويىنشا ايقىن. ولار مەملەكەتتىڭ الەۋمەتتىك ساياسات جۇيەسىنىڭ, كوپتەگەن مەملەكەتتىك رەسۋرستار باعىتتالعان, ناقتى بەلگىلەنگەن سالالاردىڭ (جوعارى ءبىلىم بەرۋ, تۇرعىن ءۇي قۇرىلىسى, ت.ب.) ايتارلىقتاي جاڭارۋىن بىلدىرەدى.
بىرىنشىدەن, يپوتەكالىق كرەديتتەۋ قايتا جانداندىرىلۋدا. ەل ءۇشىن قيىن ەكونوميكالىق جاعدايلارعا قاراماستان, مەملەكەت عالامات شارالار قولدانۋدا. «7 – 20 – 25» باعدارلاماسى اياسىندا يپوتەكانى ارزانداتۋ – بۇل ءجۇز مىڭنان استام جاس وتباسىلار ءۇشىن ءتيىمدى مۇمكىندىك.
ەكىنشىدەن, جالپى جاڭعىرتۋ جولىنا ءبىلىم بەرۋ گرانتتارىن كوبەيتۋ جوسپارلانعان. جاڭا 20 مىڭ بيۋدجەتتىك گرانت, ەڭ الدىمەن, اۋىل جاستارىنىڭ جوعارى ءبىلىم الۋىنا جول اشادى. تسيفرلاندىرۋ ترەندتەرىمەن ىلەسەتىن يندۋستريالىق دامۋ ءۇشىن قاجەت ينجەنەرلىك-تەحنيكالىق كادرلاردى دايىنداۋعا اسا ەرەكشە كوڭىل بولىنەدى.
ۇشىنشىدەن, تۇرعىن ءۇي قۇرىلىسى مەن بانك سەكتورلارىن قولداۋ ارقىلى بارلىق ەكونوميكالىق جۇيە ءۇشىن مۋلتيپليكاتيۆتىك ناتيجەگە ءبىر مەزگىلدە قول جەتكىزىلەدى. جالپى قۇرىلىس يندۋسترياسىندا جاڭا ءوسىمدى كۇتۋگە بولادى. بۇل ون مىڭنان استام جاڭا جۇمىس ورىندارىنىڭ پايدا بولاتىنىن بىلدىرەدى.
تورتىنشىدەن, ميكروكرەديتتەۋدى, قامتۋدى جىل سايىن 7 مىڭنان 14 مىڭعا دەيىن ۇلعايتىپ, ەكى ەسە كوبەيتۋ ءوزىن-ءوزى جۇمىسپەن قامتىعان حالىقتىڭ ماسەلەلەرىن شەشۋگە مۇمكىندىك بەرەدى.
قازىرگى تاڭدا قازاقستان سالىق سالۋ مولشەرلەمەسى تومەن مەملەكەت ەكەنىن ايتىپ وتكەن ءجون. بىراق سالىق جۇكتەمەسىن جالاقىسى تومەن ادامدار ءۇشىن 10 ەسە, ياعني 1%-عا دەيىن تومەندەتۋ – مەملەكەت تاراپىنان جاسالعان تۇبەگەيلى شارا, 2 ملن-نان استام ادام سول شارانىڭ بەنەفيتسيارلارىنا اينالادى. جالپى العاندا, زاماناۋي الەم جاعدايلارىندا ەلباسىنىڭ باستامالارىنا تەڭدەس شارالار جوق.
پرەزيدەنت ەلىمىزگە كونستيتۋتسيادا بەرىلگەن انىقتامانى – الەۋمەتتىك مەملەكەتتى – سوزبەن ەمەس, ىسپەن شىن مانىندە جۇزەگە اسىرۋدا. ۇزاقمەرزىمدى تۇراقتى دامۋ ءۇشىن بەرىك نەگىز بولىپ تابىلاتىن ادام كاپيتالىنىڭ وسۋىنە العىشارتتار مەن ەلىمىزدىڭ بارلىق ازاماتتارى ءۇشىن ساپالى الەۋمەتتىك جاعدايلار جاسايتىن بۇگىنگى باستامالار سول انىقتاماعا تولىقتاي سايكەس كەلەدى.
ەرجان سالتىباەۆ, قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورى جانىنداعى الەمدىك ەكونوميكا جانە ساياسات ينستيتۋتىنىڭ (اەسي) ديرەكتورى