ەلباسى نۇرسۇلتان نازارباەۆ پارلامەنت پالاتالارى مەن ۇكىمەتتىڭ بىرلەسكەن وتىرىسىندا جاريالاعان «پرەزيدەنتتىڭ بەس الەۋمەتتىك باستاماسى» اتتى حالىققا ۇندەۋى باتىس قازاقستان وبلىسىنىڭ اكتيۆىندە قىزۋ قولداۋعا يە بولدى.
وبلىس اكتيۆىندە بايانداما جاساعان ءوڭىر باسشىسى التاي كولگىنوۆ ەلباسى ۇسىنعان باستامالار اياسىندا وبلىستا اتقارىلاتىن جۇمىستاردىڭ بىرقاتارىنا توقتالدى.
ءبىرىنشى باستاما – ء«اربىر وتباسىنا باسپانا الۋدىڭ جاڭا مۇمكىندىكتەرىن بەرۋ» باتىس قازاقستان وبلىسىندا دا وتكىر ماسەلە بولىپ تۇر. ء«تۇرلى كەزدەسۋلەردە, ازاماتتاردى قابىلداۋلاردا ءجيى قويىلاتىن سۇراق تا وسى باسپانا ماسەلەسى» دەگەن التاي كولگىن ۇلى «وڭىرىمىزدە تۇرعىن ءۇي قۇرىلىس جيناق بانكىنىڭ سالىمشىلارى 56 مىڭ, ال باسپانا كەزەگىندە تۇرعاندار سانى 22 مىڭنان استى. پرەزيدەنت قابىلداعان «نۇرلى جەر» باعدارلاماسى وڭىرىمىزدەگى قۇرىلىس سالاسىنىڭ قارقىن الۋىنا وڭ سەپتىگىن تيگىزۋدە. سوڭعى 2 جىل ىشىندە 3 مىڭ ادام ءوز ءۇيىنىڭ كىلتىن الدى. ونىڭ ىشىندەگى 700 وتباسى جەتىم-جەسىرلەر, ارداگەرلەر, مۇمكىندىگى شەكتەۋلى جاندار مەن باسقا دا الەۋمەتتىك توپتار وكىلدەرى» دەپ اتاپ ءوتتى.
اكىمنىڭ ايتۋىنشا, 2018 جىلى ورال قالاسىندا 2 مىڭعا جۋىق پاتەرلى كوپقاباتتى ۇيلەردىڭ قۇرىلىسى باستالىپ, اۋدانداردا ءبىر جانە ەكى قاباتتى 140 ءۇي سالىناتىن بولادى.
ەكىنشى باستاما بويىنشا باتىس قازاقستان وبلىسىندا 73 088 ادام (ونىڭ ىشىندە 67 331 جالدامالى قىزمەتكەر) سالىق جەڭىلدىگىنە يە بولادى. بۇلار – ايلىق جالاقىسى 60 مىڭ تەڭگەدەن تومەن قىزمەتكەرلەر.
ءۇشىنشى باستاما بويىنشا ايتار بولساق, قازىرگى تاڭدا وڭىردەگى ەكى مەملەكەتتىك ۋنيۆەرسيتەتتە 3 135 ستۋدەنت گرانت ارقىلى ءبىلىم الىپ ءجۇر. ستۋدەنتتەردىڭ الەۋمەتتىك جاعدايىن زەردەلەگەن ساراپتاما جوو-نىڭ – 500, كوللەدجەردىڭ – 1750 ستۋدەنتى جاتاقحانامەن قامتىلماعانىن كورسەتكەن.
- ءبىز پرەزيدەنتتىڭ باستاماسىنا سايكەس, جاتاقحانا قۇرىلىسىنا كوبىرەك كوڭىل ءبولىپ, مەملەكەت پەن جەكەمەنشىك ارىپتەستىگى قاعيداسىندا جۇمىستانۋىمىز قاجەت. سوندىقتان ورتا جانە كاسىپتىك وقۋ ورىنداردىڭ ستۋدەنتتەرىنە ارنالعان 500 ورىندىق جاتاقحانا سالۋدى جوسپارلاپ وتىرمىز, - دەدى التاي كولگىنوۆ.
«شاعىن نەسيە بەرۋدى كوبەيتۋ»
باتىس قازاقستان وبلىسىندا ىشكى جالپى ونىمدەگى ورتا جانە شاعىن بيزنەستىڭ ۇلەسى 42 پايىزدى قۇرايدى. ەلباسى تاپسىرعان 50%-دىق مەجە دە الىس ەمەس. بيىل وڭىردە «Bastau بيزنەس» باعدارلاماسى بويىنشا 2 مىڭنان اسا ادام ارنايى وقۋدان وتەدى. ولاردىڭ يننوۆاتسيالىق جوبالارى 100 اەك-تەن اسپايتىن شاعىن نەسيەلەرمەن قامتاماسىز ەتىلەدى.
ەلباسى ۇسىنعان بەس باعدارلامانىڭ ىشىندە تۇرعىنداردى تابيعي گازبەن قامتۋ ءىسى باتىس قازاقستان وبلىسىندا تۇبەگەيلى شەشىلگەن دەسە دە بولادى. 2016 جىلى باتىس قازاقستان وبلىسىنىڭ كوگىلدىر وتىنمەن قامتىلۋى 93,4% بولسا, بىلتىر بۇل كورسەتكىش 94%-عا جەتتى. ءىرى ەلدى مەكەندەر, اۋىلدىق وكرۋگ ورتالىقتارى تۇگەل گازداندىرىلىپ, كەزەك شاعىن ەلدىمەكەندەرگە جەتتى. 2017 جىلى التى اۋداندا 36 اۋىلعا تابيعي گاز قۇبىرى تارتىلدى.
بايانداماسىن قازاقتىڭ ۇلى اقىنى قادىر مىرزا ءالىنىڭ: «كولدەن ۇلكەن تەڭىز بار, ەلدەن ۇلكەن نەڭىز بار؟!», «ەڭ الدىمەن - ەل قامى, سودان كەيىن قالعانى» دەگەن دانا سوزدەرىمەن قورىتقان التاي كولگىنوۆ وبلىس جۇرتشىلىعىن الداعى كوكتەم مەيرامدارىمەن قۇتتىقتاپ, ەل بولاشاعى ءۇشىن تىنباي ەڭبەكتەنۋگە شاقىردى.
قازبەك قۇتتىمۇرات ۇلى, «ەگەمەن قازاقستان»